ព័ត៌មានថ្មី
- ចាញ់ធ្លាក់! សម្ពាធក្នុងការប្រកួតប្រជែង និងភាពជាអ្នកដឹកនាំ នៅក្នុងសប្ដាហ៍ទី១៦ នៃកម្មវិធី MasterChef Cambodia ថ្ងៃអាទិត្យខាងមុខនេះ
- ឧត្តុង នៅតែនឹករលឹកពេលវេលាប្រកួតក្នុងផ្ទះបាយ MasterChef Cambodia
- សុភ័ក្ត កុសុម៉ា បានត្រឹមឆ្លើយតបទៅអ្នកគាំទ្របែបនេះក្រោយមានអ្នកសុំឱ្យនាងត្រលប់ទៅស្រលាញ់គ្នា Private វិញ
- WOW! បេក្ខជន MasterChef បញ្ញា ក្រៅពីពូកែចម្អិនម្ហូបហើយ ធ្លាប់ឈ្នះមេដាយមាសជូនកម្ពុជា ក្នុងព្រឹត្តិការណ៍ពិភពលោកមួយថែមទៀត
- អតីតបេក្ខជន MasterChef Cambodia រដូវកាលទី៣ម្នាក់នេះកំពុងចាប់ផ្ដើមមាតិកាម្ហូបខ្មែរ ក្រោយចាកចេញពីកម្មវិធី
តិចនិកងាយៗទាំង៤ បញ្ឈប់ការឡើងទម្ងន់នៅវ័យកាន់តែច្រើន
- សម្រស់ជីវិត
- December 6th, 2021 (3 years)
នៅពេលដែលយើងមានវ័យកាន់តែច្រើន ទោះបីជាយើងព្យាយាមរក្សារបបអាហារ និងកម្រិតនៃការបញ្ចេញសកម្មភាពរាងកាយដូចដើម ក៏ទម្ងន់នៅតែកើនឡើងដដែល។ ជាក់ស្ដែង ការឡើងទម្ងន់មានជាប់ពាក់ព័ន្ធនឹងជំងឺផ្សេងៗដូចជាជំងឺបេះដូង ជំងឺគ្រោះថ្នាក់សរសៃឈាមខួរក្បាល ជំងឺទឹកនោមផ្អែម និងជំងឺមហារីកមួយចំនួន។
ហេតុអ្វីបានជាយើងឡើងទម្ងន់នៅពេលយើងមានវ័យកាន់តែច្រើន?
១. ការធ្វើមេតាប៉ូលីសយឺតយ៉ាវ
ពិតណាស់ រាងកាយរបស់យើងនឹងធ្វើការដុតបំផ្លាញកាឡូរីយឺតយ៉ាវជាងមុន នៅពេលដែលយើងកាន់តែចាស់ទៅ នេះបើយោងតាម Piedmont Healthcare។ ក្រោយវ័យ២០ឆ្នាំ ល្បឿននៃការដុតបំផ្លាញអាហារនឹងថយចុះចំនួន១០%ក្នុងរយៈពេល១០ឆ្នាំម្ដង។
២. បាត់បង់ម៉ាស់សាច់ដុំ
ជាទូទៅ ម៉ាស់សាច់ដុំរបស់យើងនឹងបាត់បង់នៅពេលដែលយើងមានវ័យកាន់តែច្រើន។ សាច់ដុំមានសកម្មភាពមេតាប៉ូលីសច្រើនជាងខ្លាញ់ ដែលមានន័យថាប្រសិនបើមនុស្សពីរនាក់សម្រាក អ្នកដែលមានម៉ាស់សាច់ដុំច្រើនជាងនឹងដុតបំផ្លាញកាឡូរីច្រើនជាងដូចគ្នា។
៣. មិនសូវហាត់ប្រាណ
យោងតាមមជ្ឈមណ្ឌលត្រួតពិនិត្យ និងបង្ការជំងឺ ប្រហែលមួយភាគបីនៃមនុស្សពេញវ័យ ដែលមានអាយុលើស៥០ឆ្នាំ គឺអសកម្មភាពរាងកាយ។ នៅពេលដែលយើងមិនសូវធ្វើចលនា យើងនឹងដុតបំផ្លាញកាឡូរីតិចជាងមុន។
៤. ប្រែប្រួលអ័រម៉ូន
ការប្រែប្រួលអ័រម៉ូនក៏ដើរតួនាទីសំខាន់ក្នុងការឡើងទម្ងន់ទៅតាមវ័យ។ ចំពោះបុរស នៅពេលដែលមានវ័យកាន់តែច្រើន អ័រម៉ូន Testosterone នឹងធ្លាក់ចុះ ដែលបណ្ដាលឱ្យរាងកាយបាត់បង់សាច់ដុំ និងកើនឡើងនៃជាតិខ្លាញ់។ ចំណែកឯអ័រម៉ូន Estrogen នៅក្នុងរាងកាយមនុស្សស្រីក៏អាចថយចុះទៅតាមវ័យ។ កង្វះអ័រម៉ូនមួយប្រភេទនេះ ក៏នាំឱ្យរាងកាយស្ត្រីផ្ទុកជាតិខ្លាញ់នៅត្រង់បរិវេណពោះដូចគ្នា។
តិចនិកបញ្ឈប់ការឡើងទម្ងន់ទៅតាមវ័យ
១. គេងឱ្យបានគ្រប់គ្រាន់
ការគេងលក់ស្កប់ស្កល់នៅពេលយប់ អាចជួយឱ្យការធ្វើមេតាប៉ូលីស និងកម្រិតនៃការឃ្លានកាន់តែប្រសើរឡើង។ ដូច្នេះហើយ មនុស្សពេញវ័យគប្បីគេងឱ្យបាន៧ទៅ៩ម៉ោងនៅក្នុងមួយថ្ងៃ ទើបជាការប្រសើរ។
២. យកចិត្តទុកដាក់ចំពោះការស្រូបយកកាឡូរីពីអាហារ
ការយកចិត្តទុកដាក់ចំពោះកាឡូរីដែលយើងញ៉ាំប្រចាំថ្ងៃ មានរឿងសំខាន់ណាស់។ នេះមានន័យថា យើងគប្បីជ្រើសរើសអាហារដែលមានសារធាតុចិញ្ចឹមប្រកបដោយភាពឆ្លាតវៃ និងជៀសឆ្ងាយពីការញ៉ាំអាហារដែលមានសារធាតុចិញ្ចឹមទាប និងជាតិកាឡូរីខ្ពស់ដូចជាភេសជ្ជៈដែលមានជាតិស្ករ បង្អែម និងដំឡូងបំពងជាដើម។
៣. ជ្រើសរើសអាហារសម្រន់មានគុណប្រយោជន៍ដល់សុខភាព
គ្រាប់ធញ្ញជាតិសំបូរទៅដោយវីតាមីន ជាតិរ៉ែ និងជាតិសរសៃដែលជួយឱ្យយើងមានអារម្មណ៍ឆ្អែតបានយូរ។ ថ្វីត្បិតតែគ្រាប់ធញ្ញជាតិទាំងនេះមានជាតិខ្លាញ់ខ្ពស់ និងសម្បូរកាឡូរី (calorie-dense) ក៏ពិតមែន ប៉ុន្តែវាជួយគ្រប់គ្រងទម្ងន់បានយ៉ាងល្អ។ ការបង្កើនការញ៉ាំគ្រាប់ធញ្ញជាតិប្រហែលមួយក្ដាប់ដៃនឹងអាចជួយទប់ស្កាត់ការឡើងទម្ងន់ប្រកបដោយប្រសិទ្ធភាព។ បន្ថែមពីនេះ ការញ៉ាំគ្រាប់ធញ្ញជាតិ២ដងក្នុងមួយសប្ដាហ៍ ក៏អាចជួយកាត់បន្ថយហានិភ័យនៃការស្លាប់ដោយជំងឺបេះដូងថែមទៀតផង។
៤. គ្រប់គ្រងស្រ្តេសឱ្យបានល្អ
យោងតាមការសិក្សាមួយចំនួនបានបង្ហាញថា ការគ្រប់គ្រងស្រ្តេសអាចជួយគ្រប់គ្រងទម្ងន់បានយ៉ាងប្រសើរ។ ហេតុនេះហើយ យើងគប្បីស្វែងរកចំណង់ចំណូលចិត្តចិត្តផ្ទាល់ខ្លួន ជួបជុំមិត្តភ័ក្ដិ ឬគ្រួសារ និងចំណាយពេលផ្ទាល់ខ្លួន ដូចជាស្ដាប់ចម្រៀង ហាត់ប្រាណ ឬធ្វើសមាធិ។ល។ ដើម្បីកាត់បន្ថយស្រ្តេសឱ្យនៅកម្រិតទាប៕
ប្រភព៖ Hellokrupet
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
