ព័ត៌មានថ្មី
- Chef Revilino Korompis នាំរសជាតិអន្តរជាតិដ៏កម្រមកកាន់ផ្ទះបាយ MasterChef Cambodia ក្នុងការប្រកួត Teppanyaki
- បឺត សង្ឃឹម សម្រុកហាត់ត្រៀមឡើងសង្វៀន KIZZ គុនខ្មែរនៅ CTN នៅថ្ងៃសុក្រសប្ដាហ៍នេះ
- Fan Fan ទន្ទឹងរង់ចាំ រស្មី និង លីនដា ធ្វើការជាគូក្នុងសប្ដាហ៍ទី១៧ របស់ MasterChef Cambodia
- ជាប់ឈ្មោះជាសេដ្ឋីពាន់លានដុល្លារ និងមានមិត្តប្រុសល្អចង់បង្កើតគ្រួសារពេញលេញជាមួយគ្នា តែគួរឱ្យស្តាយ Selena មិនអាចមានផ្ទៃពោះ
- ក្រុមខៀវឈ្នះក្រុមក្រហមដោយលទ្ធផល 35-14 បង្កឱ្យមានការវែកញែកក្នុងសប្ដាហ៍ទី១៦ នៃកម្មវិធី MasterChef Cambodia
អតីតនាយករដ្ឋមន្ត្រីម៉ាឡេស៊ី លោក មហាធៀ ត្រូវបានបញ្ជូនទៅព្យាបាលនៅមន្ទីរពេទ្យ
- សង្គម
- December 18th, 2021 (3 years)
ម៉ាឡេស៊ី៖ មន្ត្រីនៅមន្ទីរពេទ្យបានកាលពីថ្ងៃសុក្រ ទី១៧ ខែធ្នូ ថា អតីតនាយករដ្ឋមន្ត្រីម៉ាឡេស៊ី លោក មហាធៀ មហាម៉ាត់ ដែលត្រូវបានបញ្ជូនទៅកាន់មន្ទីរពេទ្យកាលពីថ្ងៃព្រហស្បតិ៍ នឹងស្នាក់នៅទីនោះពីរបីថ្ងៃទៀត ដើម្បីទទួលការតាមដានសុខភាព។
វិទ្យាស្ថានជាតិបេះដូង បាននិយាយនៅក្នុងសេចក្តីថ្លែងការណ៍មួយថា លោក មហាធៀ អាយុ ៩៦ឆ្នាំ ស្ថិតនៅក្រោមការតាមដានជាច្រើនដែលនឹងបញ្ចប់ក្នុងរយៈពេលប៉ុន្មានថ្ងៃខាងមុខនេះ។ សេចក្តីថ្លែងការណ៍មិនបានបញ្ជាក់ថា លោកមានបញ្ហាសុខភាពអ្វីនោះទេ។
លោក មហាធៀ ធ្លាប់បានទទួលការវះកាត់បេះដូងដំបូងនៅឆ្នាំ១៩៨៩ ហើយនៅឆ្នាំ២០០៧ បានទទួលការវះកាត់បេះដូងមួយផ្សេងទៀត។
លោកជានាយករដ្ឋមន្ត្រីម៉ាឡេស៊ីជាលើកដំបូងក្នុងឆ្នាំ១៩៨១ ហើយគាត់បានចូលនិវត្តន៍ក្នុងរយៈពេល ២២ឆ្នាំក្រោយមកក្នុងឆ្នាំ២០០៣។ នៅឆ្នាំ២០១៨ គាត់បានបង្កើតប្រវត្តិសាស្ត្រដោយក្លាយជានាយករដ្ឋមន្ត្រីជាលើកទីពីរនៅអាយុ ៩២ឆ្នាំ ទោះបីជាអាណត្តិរបស់គាត់មានរយៈពេលខ្លីត្រឹមតែ ២ឆ្នាំក៏ដោយ៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
