ផ្លឹស-ខេអេក ញូវ

«សមរភូមិសំណើច» សប្ដាហ៍នេះ ការប្រកួតដ៏សំខាន់ ក្រុមផ្ការីកត្រៀមចូលសមរភូមិលើទីលាន ដើម្បីសម្រេចជោគវាសនារបស់ក្លិប

Football Comedy, កម្សាន្ត, កីឡា
May 21st, 2025 (9 months)
Views: 257
Share

តើវាសនារបស់ក្លិបផ្ការីកគ្រប់រដូវ នឹងទៅជាយ៉ាងណានៅសប្ដាហ៍នេះ? កម្មវិធី «សមរភូមិសំណើច» បានឈានដល់សប្ដាហ៍ទី២៥ ដែលអាចជាការសម្រេចលើជោគវាសនារបស់ក្លិប ផ្ការីក ថាតើត្រូវបិទទ្វារ ឬនៅបន្ត បន្ទាប់ពីអ្នកឧបត្ថម្ភបានគំរាមបញ្ឈប់ការឧបត្ថម្ភដល់ក្លិប ដោយសារតែក្រុមលេងមិនដែលឈ្នះគេទាល់តែសោះ។

នៅសប្ដាហ៍នេះ តើអាចជាការប្រកួតចុងក្រោយ ដែរឬទេ? ព្រោះតែខ្លាចចាញ់ ក្រុមរបស់នាយពែកមី និងគ្រូបង្វឹកជីងចក់ សុទ្ធតែលេងផ្លូវក្នុងតែម្ដង ដោយមានចេកដើម្បីបួងសួងវត្ថុស័ក្តិសិទ្ធិសុំឱ្យក្រុមរបស់ពួកគេឈ្នះនៅក្នុងការប្រកួតបន្ទាប់ បើមិនអ៊ីចឹងទេ ប្រាកដជាត្រូវបិទក្លិបមែនទែនហើយ។ ចំណែក អ្នកលក់ភេសជ្ជៈវិញ ក៏តាមមកទារលុយអ្នកដែលជំពាក់ខ្លួន ព្រោះខ្លាចក្លិបត្រូវបិទទ្វារ។ ចាំមើលតើមានរឿងអ្វីកើតឡើង ហើយតើកីឡាករណាខ្លះ ជំពាក់លុយអ្នកលក់?

ក្នុងសប្ដាហ៍នេះ ប្រិយមិត្តមិនត្រឹមតែទទួលបាននូវសំណើចក្អាកក្អាយប៉ុណ្ណោះទេ ប៉ុន្តែថែមទាំងបានឃើញពីការប្រកួតដ៏ស្វិតស្វាញដែលម្នាក់ៗប្រឹងប្រែងអស់ពីកម្លាំងកាយកម្លាំងចិត្ត និងរឿងហួសចិត្តរបស់កីឡាករពេលកំពុងប្រកួត ថែមទៀតផង។

កុំឱ្យខកខាននូវសប្ដាហ៍ដ៏សំខាន់របស់កម្មវិធី «សមរភូមិសំណើច» ដែលនឹងមានចាក់ផ្សាយនៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER នាថ្ងៃទី២៣ ខែឧសភា វេលាម៉ោង ៧ យប់តទៅ!

អត្ថបទទាក់ទង