ផ្លឹស-ខេអេក ញូវ

ទឹកចិត្តដែលមិនអាចកាត់ថ្លៃបាន លោកតាដែលពិការភ្នែកបរិច្ចាគប្រាក់ជាមួយមូលនិធិទ្រទ្រង់ជនភៀសសឹកនៅស្ថានីយទូរទស្សន៍ CTN ឫស្សីកែវ

ព័ត៍មាន, សង្គម
July 30th, 2025 (4 months)
Views: 154
Share

លោកតាចាស់ជរាដែលមានពិការភ្នែកផង បានយកប្រាក់សន្សំបន្តិចបន្តួចរបស់លោកតា ដើម្បីជួយដល់ជនភៀសសឹក ជាមួយមូលនិធិទ្រទ្រង់ភៀសសឹក នៅស្ថានីយទូរទស្សន៍ CTN នៃក្រុមហ៊ុន CBS ដែលជាបុត្រសម្ព័ន្ធរបស់ក្រុមហ៊ុន រ៉ូយ៉ាល់ គ្រុប នាព្រឹកថ្ងៃទី៣០ ខែកក្កដានេះ។ ទោះបីជាមិនអាចធ្វើការបានក៏ដោយ ហើយរស់នៅជាមួយកូនស្រី ដែលជាអ្នកបើកកង់បី លោកតាបានបង្ហាញពីស្មារតីខ្មែរតែមួយដ៏គួរឱ្យគោរព។ លោកតាបានប្រសាសន៍ថា ទោះបីជាថវិកាបន្តិចបន្តួចក៏ដោយ ក៏លោកតានៅតែចង់ជួយអ្នកដែលកំពុងទទួលលំបាក។

សូមជម្រាបថា ក្រុមហ៊ុន រ៉ូយ៉ាល់ គ្រុប និងក្រុមហ៊ុនបុត្រសម្ព័ន្ធទាំងអស់ មានមោទនភាព ក្នុងស្មារតីខ្មែរតែមួយ បានរៀបចំសកម្មភាពប្រមូលជំនួយមនុស្សធម៌សម្រាប់ជនភៀសសឹក។

ចាប់ពីថ្ងៃទី២៩ ខែកក្កដា ឆ្នាំ២០២៥ នេះតទៅ សាធារណជន និងបុគ្គលិកក្រុមហ៊ុន រ៉ូយ៉ាល់ គ្រុប ទាំងអស់អាចបរិច្ចាគជាសម្ភារៈប្រើប្រាស់ គ្រឿងឧបភោគបរិភោគ ថ្នាំពេទ្យ និងសម្ភារៈចាំបាច់នានា ដោយសប្បុរសជនអាចធ្វើការបរិច្ចាគបាននៅតាមបណ្តាទីតាំងដូចខាងក្រោម៖

1. ចំណត ធនាគារ វីង (Royal One)
2. ក្រុមហ៊ុនធានារ៉ាប់រងទូទៅ អ៊ីនហ្វីនីធី
3. ស្ថានីយទូរទស្សន៌ CBS/CNC
4. ទីស្នាក់កាលកណ្តាល ក្រុមហ៊ុន សែលកាត
5. សមាគមសិល្បករខ្មែរ
6. សហគមន៍ ណ័រប្រ៊ីដ
7. សាលាអន្តរជាតិសៅប្រ៊ីដកម្ពុជា សាខា ប៉េងហួត
8. សណ្ឋាគារកាំបូឌីយ៉ាណា

រួមគ្នាដើម្បីមូលនិធិមួយនេះ និងជួយផ្សព្វផ្សាយឱ្យកាន់តែទូលំទូលាយទៅកាន់សាច់ញាតិក្រុមគ្រួសារ មិត្តភ័ក្តិ និងសប្បុរសជនទាំងក្នុងនិងនៅក្រៅប្រទេសទាំងអស់។ ក្រុមហ៊ុន រ៉ូយ៉ាល់ គ្រុប និងក្រុមហ៊ុនបុត្រសម្ព័ន្ធទាំងអស់ នឹងឈរនៅជាមួយប្រជាជនកម្ពុជាជានិច្ច។

យើងឈរជាមួយគ្នា ដើម្បីកម្ពុជា!

អត្ថបទទាក់ទង