ផ្លឹស-ខេអេក ញូវ

អ្នកស្លា ប់សង្ស័យពុលស្រា នៅស្រុកក្រគរបានកើនដល់ ៩នាក់ហើយ គិតត្រឹមល្ងាចថ្ងៃទី០២ ខែមិថុនា

សង្គម
June 3rd, 2021 (5 years)
Views: 318
Share

ដោយ៖ សេង ប៊ុនធឿន

ពោធិ៍សាត់៖ ប្រជាពលរដ្ឋស្លាប់ដោយសង្ស័យថា ពុលស្រានៅភូមិថ្កោលធំនិងភូមិសានស ស្ថិតក្នុងឃុំអន្សាចំបក់ ស្រុកក្រគរ ខេត្តពោធិ៍សាត់ កាលពីថ្ងៃទី២៨ ខែឧសភា ឆ្នាំ២០២១កន្លងមកនេះ ហើយត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យបង្អែកខេត្តពោធិ៍សាត់ជាបន្ត បន្ទាប់ក្រោមការយកចិត្តទុកដាក់បំផុតពីលោក ម៉ៅ ធនិន អភិបាលខេត្តពោធិ៍សាត់ និងក្រុមគ្រូពេទ្យ។

មកដល់ថ្ងៃទី០៣ ខែមិថុនានេះ ប្រជាពលរដ្ឋប្រុសស្រីមួយចំនូនបានរធូរស្រាលជាបណ្តើរៗហើយ អ្នកខ្លះបានវិលត្រឡប់ទៅគេហដ្ឋាន និងមួយចំនួនទៀតកំពុងសម្រាកព្យាបាល។
នៅក្នុងចំណោមអ្នកពុលស្រា ដែលបញ្ជូនមកសង្គ្រោះបន្ទាន់នៅក្នុងមន្ទីរពេទ្យបង្អែកខេត្តចំនូន ៣៦នាក់ស្រីចំនួន ០៨នាក់នោះ មានអាការៈធ្ងន់ធ្ងរកំពុងស្ថិតក្នុងបន្ទប់សង្គ្រោះបន្ទាន់ចំនួន០២នាក់ស្រី០១នាក់ មកដល់ម៉ោង៥ល្ងាចថ្ងៃទី០២ ខែមិថុនា ម្សិលមិញនេះ បានទទួលមរណៈភាពទាំងពីរនាក់។

បើតាមការឱ្យដឹងពីក្រុមគ្រូពេទ្យគិតដល់ល្ងាចថ្ងៃទី០២ ខែមិថុនាម្សិលមិញនេះអ្នកស្លាប់ជាប់ពាក់ព័ន្ធក្នុងហេតុការណ៍សង្ស័យពុលស្រានេះសរុបបានកើតដល់ចំនួន ០៩នាក់ ក្នុងនោះប្រុសចំនួន១នាក់ស្រីចំនួន០៨នាក់។

ទាក់ទងនឹងហេតុការណ៍ដែលនាំ ឱ្យបងប្អូនមួយចំនួនស្លាប់ និងមួយចំនួនទៀតកំពុងសង្គ្រោះបន្ទាន់នោះ បងស្រីឈ្មោះ សាន នី និងបងប្រុសឈ្មោះ ស សេង ដែលកំពុងសម្រាកព្យាបាលក្នុងមន្ទីរពេទ្យដែរនោះ បានរៀបរាប់ថាដំបូងឡើយគឺមាន អ្នកភូមិម្នាក់ស្លាប់ បងប្អូនញាតិមិត្តជិត ខាងមកចូលរូមជួយហើយទិញស្រាថ្នាំមកផឹកកំដរ ដោយពុំដឹងថាអ្នកស្លាប់នោះស្លាប់ដោយផឹកស្រានោះទេ ខណៈពេលដែលមានអ្នកភូមិស្លាប់ជាបន្តបន្ទាប់យ៉ាងដូច្នេះ ទើបពួកគាត់ទទួលព័ត៌មានថា អ្នកស្លាប់ទាំងនោះ បណ្តាលមកពីផឹកស្រា ឮគេនិយាយបែបនេះ ពួកគាត់ទាំងនោះក៏ចាប់មានអាការៈឈឺក្បាល វិលមុខ និងពិបាកដកដង្ហើមជាដើម ហើយក៏រាយការណ៍ជូនលោកមេភូមិ មេឃុំ ដើម្បីជួយអន្តរាគមន៍ដល់ពួកគាត់តែម្តង។

ចំពោះអ្នកផលិតលក់ចែកចាយស្រានោះ សមត្ថកិច្ចបាននិងកំពុងអនុវត្តតាមនីតិវិធី និងយកសំណាកវិភាគដើម្បីស្វែងរកការពិតហើយ៕

អត្ថបទទាក់ទង

អ្នកស្លា ប់​សង្ស័យ​ពុលស្រា នៅស្រុកក្រគរ​បានកើន​ដល់ ៩នាក់ហើយ គិតត្រឹម​ល្ងាច​ថ្ងៃទី០២ ខែមិថុនា

អ្នកស្លា ប់សង្ស័យពុលស្រា នៅស្រុកក្រគរបានកើនដល់ ៩នាក់ហើយ គិតត្រឹមល្ងាចថ្ងៃទី០២ ខែមិថុនា