ព័ត៌មានថ្មី
- ចាញ់ធ្លាក់! សម្ពាធក្នុងការប្រកួតប្រជែង និងភាពជាអ្នកដឹកនាំ នៅក្នុងសប្ដាហ៍ទី១៦ នៃកម្មវិធី MasterChef Cambodia ថ្ងៃអាទិត្យខាងមុខនេះ
- ឧត្តុង នៅតែនឹករលឹកពេលវេលាប្រកួតក្នុងផ្ទះបាយ MasterChef Cambodia
- សុភ័ក្ត កុសុម៉ា បានត្រឹមឆ្លើយតបទៅអ្នកគាំទ្របែបនេះក្រោយមានអ្នកសុំឱ្យនាងត្រលប់ទៅស្រលាញ់គ្នា Private វិញ
- WOW! បេក្ខជន MasterChef បញ្ញា ក្រៅពីពូកែចម្អិនម្ហូបហើយ ធ្លាប់ឈ្នះមេដាយមាសជូនកម្ពុជា ក្នុងព្រឹត្តិការណ៍ពិភពលោកមួយថែមទៀត
- អតីតបេក្ខជន MasterChef Cambodia រដូវកាលទី៣ម្នាក់នេះកំពុងចាប់ផ្ដើមមាតិកាម្ហូបខ្មែរ ក្រោយចាកចេញពីកម្មវិធី
កើនឡើងខ្លាំងសម្រាប់ខេត្តត្បូងឃ្មុំ! រកឃើញអ្នកជំងឺកូវីដ-១៩ ចំនួន ២៧នាក់ ក្នុងពេល១ថ្ងៃ
- សង្គម
- June 3rd, 2021 (3 years)
ត្បូងឃ្មុំ៖ យោងតាមសេចក្តីប្រកាសព័ត៌មានរបស់រដ្ឋបាលខេត្តត្បូងឃ្មុំនៅថ្ងៃទី២ ខែមិថុនា ឆ្នាំ២០២១ បានឱ្យដឹងថា តាមលទ្ធផលធ្វើតេស្តរហ័យនៅថ្ងៃទី១ ខែមិថុនា ឆ្នាំ២០២១ បានរកឃើញអ្នកវិជ្ជមានជំងឺកូវីដ-១៩ថ្មីចំនួន ២៧នាក់ នៅក្រុងសួង ស្រុកអូរាំងឪ ស្រុកតំបែរ និងស្រុកត្បូងឃ្មុំ ដែលជាករណីឆ្លងក្នុងសហគមន៍ពីរាជធានីភ្នំពេញ។ ទន្ទឹមការរកឃើញនេះ មានអ្នកពាក់ព័ន្ធដោយផ្ទាល់ចំនួន ១៣៣នាក់ ផងដែរ។
ចំពោះការរកឃើញចំនួនច្រើនជាលើកដំបូងនេះ រដ្ឋបាលខេត្តត្បូងឃ្មុំ ក៏បានជូនដំណឹងដល់ប្រជាពលរដ្ឋដែលប៉ះពាល់ដោយផ្ទាល់ ឱ្យរួសរាន់ទៅជួបក្រុមគ្រូពេទ្យ និងធ្វើចត្តាឡីស័ក ដើម្បីយកសំណាកទៅពិនិត្យ និងអ្នកប៉ះពាល់ដោយប្រយោលជាមួយអ្នកវិជ្ជមានជំងឺកូវីដ-១៩ទាំង២៧នាក់ ខាងលើ រួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។ ប្រសិនបើប្រជាពលរដ្ឋមានរោគសញ្ញាផ្ដាសាយ ក្អក ហៀរសំបោរ ឈឺបំពង់ក ថប់ដង្ហើម ឬរោគសញ្ញាសង្ស័យផ្សេងៗទៀត ត្រូវទៅពិនិត្យសុខភាពនៅតាមមន្ទីរពេទ្យ ឬមណ្ឌលសុខភាពដែលស្ថិតនៅជិតកន្លែងរស់នៅ និងរាយការណ៍ជូនអាជ្ញាធរមូលដ្ឋានជាបន្ទាន់។
ដោយអត្រាឆ្លងក្នុងសហគមន៍នៅតែបន្តកើតមានក្នុងភូមិសាស្រ្តខេត្តត្បូងឃ្មុំស្ទើរាល់ថ្ងៃ រដ្ឋបាលខេត្តក៏បានអំពាវនាវដល់សាធារណៈជន និងប្រជាពលរដ្ឋទាំងអស់ ត្រូវចូលរួមអនុវត្តឱ្យបានម៉ឺងម៉ាត់ នូវវិធានការរបស់រាជរដ្ឋាភិបាល និងសេចក្តីនែនាំរបស់ក្រសួងសុខាភិបាល ពិសេសការអនុវត្តវិធានការ ៣ការពារ និង៣កុំ ដើម្បីទប់ស្កាត់ការឆ្លងរីករាលដាលក្នុងសហគមន៍បន្តទៀត៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
