ព័ត៌មានថ្មី
- «សមរភូមិសំណើច» ទីបំផុតកំពូលបុគ្គលិករបស់ក្រុមផ្ការីកគ្រប់រដូវបានស្គាល់ជាតិជិះឧទ្ធម្ភាគចក្រហើយ!
- នេះគ្រាន់តែជាការតេស្តដំបូងប៉ុណ្ណោះ! កម្លាំងគោជល់ ដែលឧបត្ថម្ភផ្ដាច់មុខដោយ Red Bull សន្យាថានឹងមានវិញ្ញាសាកាន់តែប្លែកនៅវគ្គបន្ទាប់!
- ត្រឡប់ទៅមើលវិធីវិចអន្សម ពីកម្មវិធី MasterChef Cambodia រដូវកាលទី៣ នាឱកាសពិធីបុណ្យចូលឆ្នាំខ្មែរនេះ
- Judge Jessica បង្ហាញវីឌីអូខ្លីនាំឱ្យ Fan Fan កម្មវិធី MasterChef Cambodia រំភើបថែមមួយកម្រិតទៀតក្នុងឱកាសពិធីបុណ្យចូលឆ្នាំខ្មែរ
- ក្រោយបញ្ចប់ការដាក់ពាក្យ ការប្រកួតកម្លាំងដ៏អស្ចារ្យតែមួយគត់នៅកម្ពុជា “កម្លាំងគោជល់” ដែលឧបត្ថម្ភផ្ដាច់មុខដោយ Red Bull Power នឹងមកដល់លើកញ្ចក់ទូរទស្សន៍ CTN ក្នុងពេលឆាប់ៗខាងមុខ
ចិនថា ការហោះហើររបស់យន្តហោះយោធានៅជិតដែនទឹកម៉ាឡេស៊ីគឺជាការហ្វឹកហាត់ធម្មតា
- សង្គម
- June 3rd, 2021 (4 years)
ចិន៖ ប្រទេសចិន កាលពីថ្ងៃពុធ បានប្រកាសថា ការហោះហើររបស់យន្តហោះយោធាចំនួន ១៦គ្រឿងលើដែនទឹកដែលមានជម្លោះនៅជិតដែនទឹកម៉ាឡេស៊ីនោះ គឺជាការហ្វឹកហាត់ជាប្រចាំប៉ុណ្ណោះ បន្ទាប់ពីប្រទេសម៉ាឡេស៊ីបានចោទប្រកាន់រដ្ឋាភិបាលក្រុងប៉េកាំងថាបានបំពានអធិបតេយ្យរបស់ខ្លួន។
ម៉ាឡេស៊ីបានបញ្ចេញយន្តហោះចម្បាំងកាលពីដេីមសប្ដាហ៍នេះដើម្បីស្ទាក់យន្តហោះដឹកជញ្ជូនរបស់កងទ័ពអាកាសចិនដែលបានបង្ហាញខ្លួននៅជិតកោះ បូនីអូ (Borneo) នៅលើសមុទ្រចិនខាងត្បូងជាកន្លែងដែលម៉ាឡេស៊ីបានទាមទារដែនដីត្រួតស៊ីគ្នាជាមួយចិន។
រដ្ឋមន្ត្រីការបរទេសម៉ាឡេស៊ីបានរិះគន់ការហោះហើររបស់ចិនដោយបាននិយាយថា នោះជាការឈ្លានពាន ហើយបាននិយាយថា រដ្ឋាភិបាលម៉ាឡេសីនឹងធ្វើការតវ៉ាជាមួយរដ្ឋាភិបាលចិន និងកោះហៅឯកអគ្គរដ្ឋទូតចិន។
ប៉ុន្តែមន្ត្រីនាំពាក្យស្ថានទូតចិនប្រចាំនៅទីក្រុងគូឡាឡាំពួ បាននិយាយថា «សកម្មភាពនោះគឺជាការហ្វឹកហាត់ការហោះហើរជាធម្មតារបស់កងទ័ពអាកាសចិនហើយមិនកំណត់គោលដៅលើប្រទេសណាមួយឡើយ»។
មន្ត្រីនាំពាក្យស្ថានទូតចិនបាននិយាយទៀតថា «យោងតាមច្បាប់អន្តរជាតិ យន្ដហោះយោធាចិនមានសិទ្ធិហោះហើរលើដែនអាកាសនោះ»។
មន្ត្រីនាំពាក្យរូបនោះបាននិយាយបន្ថែមនៅក្នុងសេចក្តី ថ្លែងការណ៍ថា «យន្តហោះយោធាចិនមិនបានចូលដែនអាកាសប្រទេសណាមួយទេ»៕
អត្ថបទទាក់ទង
MasterChef Cambodia
RED BULL POWER
