ផ្លឹស-ខេអេក ញូវ

ចិនថា ការហោះហើររបស់យន្តហោះយោធានៅជិតដែនទឹកម៉ាឡេស៊ីគឺជាការហ្វឹកហាត់ធម្មតា

សង្គម
June 3rd, 2021 (3 years)
Views: 123
Share

ចិន៖ ប្រទេសចិន កាលពីថ្ងៃពុធ បានប្រកាសថា ការហោះហើររបស់យន្តហោះយោធាចំនួន ១៦គ្រឿងលើដែនទឹកដែលមានជម្លោះនៅជិតដែនទឹកម៉ាឡេស៊ីនោះ គឺជាការហ្វឹកហាត់ជាប្រចាំប៉ុណ្ណោះ បន្ទាប់ពីប្រទេសម៉ាឡេស៊ីបានចោទប្រកាន់រដ្ឋាភិបាលក្រុងប៉េកាំងថាបានបំពានអធិបតេយ្យរបស់ខ្លួន។

ម៉ាឡេស៊ីបានបញ្ចេញយន្តហោះចម្បាំងកាលពីដេីមសប្ដាហ៍នេះដើម្បីស្ទាក់យន្តហោះដឹកជញ្ជូនរបស់កងទ័ពអាកាសចិនដែលបានបង្ហាញខ្លួននៅជិតកោះ បូនីអូ (Borneo) នៅលើសមុទ្រចិនខាងត្បូងជាកន្លែងដែលម៉ាឡេស៊ីបានទាមទារដែនដីត្រួតស៊ីគ្នាជាមួយចិន។

រដ្ឋមន្ត្រីការបរទេសម៉ាឡេស៊ីបានរិះគន់ការហោះហើររបស់ចិនដោយបាននិយាយថា នោះជាការឈ្លានពាន ហើយបាននិយាយថា រដ្ឋាភិបាលម៉ាឡេសីនឹងធ្វើការតវ៉ាជាមួយរដ្ឋាភិបាលចិន និងកោះហៅឯកអគ្គរដ្ឋទូតចិន។

ប៉ុន្តែមន្ត្រីនាំពាក្យស្ថានទូតចិនប្រចាំនៅទីក្រុងគូឡាឡាំពួ បាននិយាយថា «សកម្មភាពនោះគឺជាការហ្វឹកហាត់ការហោះហើរជាធម្មតារបស់កងទ័ពអាកាសចិនហើយមិនកំណត់គោលដៅលើប្រទេសណាមួយឡើយ»។

មន្ត្រីនាំពាក្យស្ថានទូតចិនបាននិយាយទៀតថា «យោងតាមច្បាប់អន្តរជាតិ យន្ដហោះយោធាចិនមានសិទ្ធិហោះហើរលើដែនអាកាសនោះ»។

មន្ត្រីនាំពាក្យរូបនោះបាននិយាយបន្ថែមនៅក្នុងសេចក្តី ថ្លែងការណ៍ថា «យន្តហោះយោធាចិនមិនបានចូលដែនអាកាសប្រទេសណាមួយទេ»៕

អត្ថបទទាក់ទង

ចិនថា ការហោះហើរ​របស់​យន្តហោះ​យោធា​នៅ​ជិតដែន​ទឹក​ម៉ាឡេស៊ី​គឺជា​ការហ្វឹកហាត់​ធម្មតា

ចិនថា ការហោះហើររបស់យន្តហោះយោធានៅជិតដែនទឹកម៉ាឡេស៊ីគឺជាការហ្វឹកហាត់ធម្មតា