×

ជប៉ុន​ច្រានចោល​ការតវ៉ា​របស់​កូរ៉េខាងត្បូង​ជុំវិញ​ការដាក់បញ្ចូល​ប្រជុំកោះ​មាន​ជម្លោះ​នៅលើ​ផែនទី​កីឡា​អូឡាំពិក

ជប៉ុន៖ មន្ត្រីនាំពាក្យកំពូលរបស់រដ្ឋាភិបាលជប៉ុន  កាលពីថ្ងៃពុធ បានច្រានចោលការតវ៉ារបស់កូរ៉េខាងត្បូងប្រឆាំងនឹងផែនទីមួយនៅលើគេហទំព័រសម្រាប់ព្រឹត្តិការណ៍កីឡាអូឡាំពិកទីក្រុងតូក្យូដែលបង្ហាញថាប្រជុំកោះមួយដែលគ្រប់គ្រងដោយកូរ៉េខាងត្បូង  គឺជាទឹកដីរបស់ជប៉ុន។

ប្រជុំកោះតូចៗដែលត្រូវបានកូរ៉េខាងត្បូងដាក់ឈ្មោះថា ដុកដូ  (Dokdo) និងជប៉ុនដាក់ឈ្មោះថា  តាកេស៊ីម៉ា (Takeshima) នោះ  គឺជាចំណុចស្នូលនៃជម្លោះទឹកដីរាប់ទសវត្សរ៍មកហេីយវាងប្រទេសទាំងពីរ។

លោក ខាត់ស៊ូណូបុ  កាតូ  (Katsunobu Kato) រដ្ឋមន្ត្រីខុទ្ទកាល័យគណៈរដ្ឋមន្ត្រីជប៉ុនបាននិយាយថា «ប្រជុំកោះ  តាកេស៊ីម៉ា (Takeshima) គឺជាទឹកដីមួយរបស់ប្រទេសជប៉ុនដោយផ្អែកទៅលេីអង្គហេតុប្រវត្តិសាស្រ្ត  និងច្បាប់អន្តរជាតិ។ យើងមិនអាចទទួលយកបានទាល់តែសោះនូវការតវ៉ារបស់កូរ៉េខាងត្បូង»។

អាជ្ញាធរកីឡាកូរ៉េខាងត្បូង  កាលពីថ្ងៃពុធ  ក៏បានផ្ញើលិខិតមួយទៅឲ្យប្រធានគណៈកម្មាធិការអូឡាំពិកអន្តរជាតិ  លោក  ថូម៉ាស  បាក (Thomas Bach) ដោយបានស្នើសុំឱ្យគាត់ជួយសម្រុះសម្រួលការតវ៉ាប្រឆាំងរបស់កូរ៉េខាងត្បូងនេះ។

ការតវ៉ាជាសាធារណៈបានកើតឡើងនៅក្នុងប្រទេសកូរ៉េខាងត្បូងបន្ទាប់ពីប្រជុំកោះនេះត្រូវបានដាក់បញ្ចូលនៅលើផែនទីប្រទេសជប៉ុនក្នុងគេហទំព័រសម្រាប់ព្រឹត្តិការណ៍កីឡាអូឡាំពិកទីក្រុងតូក្យូដោយមានបង្ហាញពីផែនទីផ្លូវសម្រាប់ការរត់បណ្ដាក់គប់ភ្លេីងកីឡាអូឡាំពិក។

នៅក្នុងវីដេអូមួយដែលគេចែកចាយនៅលេីបណ្ដាញសង្គម គេឃេីញនិស្សិតកូរ៉េខាងត្បូង ៣នាក់ត្រូវបានចាប់ខ្លួនកាលពីថ្ងៃអង្គារបន្ទាប់ពីដុតទង់ជាតិរបស់ជប៉ុននៅក្នុងការតវ៉ាមួយនៅខាងក្រៅស្ថានទូតជប៉ុនក្នុងទីក្រុងសេអ៊ូល។

ប្រជុំកោះមានជម្លោះនោះមានចម្ងាយ ២២៥គីឡូម៉ែត្រពីឆ្នេរភាគខាងកើតនៃប្រទេសកូរ៉េខាងត្បូង។ ស្របពេលដែលកូរ៉េខាងត្បូងកាន់កាប់ប្រជុំកោះនេះ  ប្រទេសជប៉ុនក៏កំពុងទាមទារអះអាងថាប្រជុំកោះនេះជាដែនដីរបស់ខ្លួនដែរ៕

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika