×

អ្នកស្លា ប់​កើនដល់​១៣នាក់​ហើយ ករណី​ពុលស្រាស​នៅ​ខេត្តពោធិ៍សាត់ ខណៈ​ជាង​៧០នាក់​កំពុងសង្គ្រោះ

ពោធិ៍សាត់៖ គិតត្រឹមព្រឹកថ្ងៃទី៣ ខែមិថុនា ឆ្នាំ២០២១ ចំនួនអ្នកស្លាប់ដោយសារពុលស្រាស នៅស្រុកក្រគរ ខេត្តពោធិ៍សាត់ បានកើនឡើងដល់ចំនួន ១៣នាក់ហើយ ខណៈដែលមនុស្សជាង ៧០នាក់ ផ្សេងទៀតកំពុងជួយសង្គ្រោះ នៅពេទ្យកាល់ម៉ែត និងពេទ្យលោកសង្ឃ ១២នាក់ កំពុងសង្គ្រោះនៅខេត្តចំនួន ៦២នាក់ ដែលកំពុងមានការយកចិត្តទុកដាក់ពីថ្នាក់ដឹកនាំខេត្តពោធិ៍សាត់។

សូមបញ្ជាក់ថា ពាក់ព័ន្ធករណីពុលស្រាសនោះ សមត្ថកិច្ចបានឈានដល់ការឃាត់ខ្លួនមនុស្សចំនួន ២នាក់ ដែលជាប្ដីប្រពន្ធ អ្នកផលិតស្រាសនោះ មាន ឈ្មោះ ស៊ុយ គឹមទៀង អាយុ ៧១ឆ្នាំ (ប្តី) និងឈ្មោះ ទ្រី វណ្ណា អាយុ ៦១ឆ្នាំ (ប្រពន្ធ) មានទីលំនៅភូមិសាន់សរ ឃុំអន្សាចំបក់ ស្រុកក្រគរ ខេត្តពោធិ៍សាត់។ ជនសង្ស័យទាំង ២នាក់ បានឃាត់ខ្លួននៅអធិការដ្ឋាននគរបាលស្រុកក្រគរ តាមបញ្ជាលោក កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់។

កាលពីពេលថ្មីៗនេះ ក៏មានករណីពុលស្រាសចំនួន ២លើករួចមកហើយគឺ នៅស្រុកល្វាឯម ខេត្តកណ្ដាល បានបណ្ដាលឲ្យមនុស្ស ១២នាក់ស្លាប់ និងធ្លាក់ខ្លួនឈឺជាច្រើននាក់ផ្សេងទៀត។ ដោយឡែក ករណីពុលស្រានៅស្រុកកំពង់ត្រាច ខេត្តកំពត បណ្ដាលឱ្យមនុស្ស ៩នាក់ស្លាប់ និងធ្លាក់ខ្លួនឈឺជាង ៣០នាក់ ផងដែរ៕

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika