×

អតីត​តារាសម្តែង កែវ កល្យាណ ហួសចិត្តនឹង​អ្នកលក់​សម័យថ្មី​ថាឱ្យតម្លៃ​មនុស្ស​មើល​ត្រឹម​សម្បកក្រៅ

ភ្នំពេញ៖ ដោយអត់ទ្រាំនឹងមនុស្សមួយចំនួនមិនចេះឱ្យតម្លៃមនុស្សដូចគ្នា អតីតតារាសម្តែងល្បីឈ្មោះ កែវ កល្យាណ បានចេញមុខនិយាយបញ្ហាដែលបានជួបដោយផ្ទាល់ថា៖ “បើតាមខ្ញុំសង្កេតមើល មនុស្ស៩០% មើលងាយមនុស្ស ជាក់ស្តែងខ្ញុំបានជិះម៉ូតូ ពាក់ម៉ាស ពាក់មួកជិតមកទិញបាយស្រូបឱ្យកូន អ្នកចុះពីឡានមើលលើមើលក្រោម”។

អ្នកនាង កែវ កល្យាណ បានបន្ថែមទៀតថា៖ “រីឯអ្នកលក់ គេមកក្រោយវេចខ្ចប់ឱ្យគេមុន ទទួលស្វាគមន៍រាក់ទាក់ យើងគេទុកមួយឡែក ចាំរួចដៃ តែមិនថ្វីទេ គ្រាន់តែឆ្ងល់មនុស្សដូចគ្នាចាំបាច់បែងចែកគ្នា គ្មានអ្វីពិបាក និងស្មានចិត្តស្មើនឹងមនុស្សទេ”។

ការចែករំលែកមួយនេះ បានធ្វើឱ្យមនុស្សជាច្រើនចូលទៅខមមិនពីបទពិសោធរបស់ខ្លួនស្រដៀងៗគ្នាបែបនេះ ដែលពួកគេសុទ្ធសឹងតែបានជួបផ្ទាល់ និងកាន់តែហួសចិត្តជាងនេះទៅទៀត នៅពេលដែលអ្នកខមមិនជិត ៤០០ នាក់សុទ្ធតែនិយាយបែបនេះស្ទើរតែទាំងអស់៕

អ្នកអាចចែករំលែកដោយ៖

អត្ថបទទាក់ទង