ផ្លឹស-ខេអេក ញូវ

អាជ្ញាធរបន្តបិទផ្សារលើធំថ្មី ក្រុងសៀមរាប រយៈពេល២សប្ដាហ៍បន្ថែមទៀត

សង្គម
August 3rd, 2021 (1 year)
1050 views
Share

សៀមរាប៖ រដ្ឋបាលខេត្តសៀមរាប បានសម្រេចបន្តបិទផ្សារលើធំថ្មី ស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប ដែលជាទីតាំងមានការឆ្លងរីករាលដាលនៃជំងឺកូវីដ-១៩ ជាបណ្ដោះអាសន្ន រយៈពេល ២ (ពីរសប្ដាហ៍ គិតចាប់ពីថ្ងៃទី០២ ដល់ថ្ងៃទី១៥ ខែសីហា ឆ្នាំ២០២១)។

ការបន្តបិទនេះ មានគោលបំណងធានាដល់ប្រសិទ្ធភាពនៃការគ្រប់គ្រងការឆ្លងរាលដាលនៃជំងឺកូវីដ១៩ នៅក្នុងភូមិសាស្ត្រទីតាំងដែលត្រូវបិទនិងទប់ស្កាត់ជំងឺនេះ មិនឱ្យឆ្លងរាលដាលទៅតំបន់ផ្សេងទៀត រហូតមានការចេញសេចក្តីសម្រេចជាថ្មី។

កាលពីម្សិលមិញ រដ្ឋបាលខេត្តសៀមរាប ប្រកាសរកឃើញអ្នកវិជ្ជមានជំងឺកូវីដ១៩ ថ្មី ចំនួន៩៨នាក់ សម្រាប់ថ្ងៃទី០១ ខែសីហានេះ ខណៈអ្នកជាសះស្បើយពីជំងឺកូវីដ-១៩ ចំនួន៥២នាក់ និង អ្នកស្លាប់ថ្មីចំនួន០២នាក់ ដូច្នេះ គិតមកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ១៩ ចំនួន ៤.៥១៨នាក់ ក្នុងនោះ ព្យាបាលជាសះស្បើយចំនួន២.៣១៦នាក់, ស្លាប់ចំនួន៤៨នាក់ និង កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ និងវិទ្យាល័យដំដែក ចំនួន ២.១៥៣នាក់៕

អត្ថបទទាក់ទង

អាជ្ញាធរ​បន្តបិទ​ផ្សារលើធំថ្មី ក្រុងសៀមរាប រយៈពេល​២សប្ដាហ៍​បន្ថែម​ទៀត

អាជ្ញាធរបន្តបិទផ្សារលើធំថ្មី ក្រុងសៀមរាប រយៈពេល២សប្ដាហ៍បន្ថែមទៀត