ផ្លឹស-ខេអេក ញូវ

បុរសម្នាក់ផ្តាំបងប្អូនខ្មែរនៅប្រទេសថៃ ថាកុំឱ្យមានភាពជ្រួលច្របល់រឿងពេទ្យទុកអ្នកជំងឺកូវីដចោលរហូតដល់ថ្នាក់ឆ្លងដែនខុសច្បាប់មកកម្ពុជា

សង្គម
August 3rd, 2021 (4 years)
Views: 283
Share

ថៃ៖ ការរាតត្បាតនៃវីរុសកូវីដ១៩ បានធ្វើឱ្យមានភាពចលាចល និងមានព័ត៌មានផ្សព្វផ្សាយថា ពេទ្យថៃមិនបានយកចិត្តទុក្ខដាក់ជាដើម ជាហេតុធ្វើឱ្យពលករខ្មែរបានរត់មកប្រទេសខ្លួនវិញ បង្កឱ្យមានការឆ្លងមេរោគបំប្លែងថ្មីប្រភេទដែលតា នៅកម្ពុជាដែលបានរកឃើញជាបន្តបន្ទាប់។

កាលពីពេលថ្មីៗនេះ យោងតាមគណនីបណ្តាញសង្គមមួយមានឈ្មោះ Ky Choengsiong បានបង្ហោះរូបភាពបង្ហាញពីទិដ្ឋភាពនៅមណ្ឌលព្យាបាលកូវីដ១៩មួយកន្លែងនៅស្រុកអារញ្ញប្រាថេត ខេត្តស្រះកែវ ដែលអាជ្ញាធរថៃ បានរៀបចំដោយបំពាក់ឧបករណ៍ប្រើប្រាស់ ដូចជា ម៉ាស៊ីនបោកខោអាវ បំពង់ទឹកក្ដៅអគ្គិសនី និងទូសុវត្ថិភាព ព្រមទាំងបានផ្ដល់ថ្នាំសម្រាប់ព្យាបាលអ្នកជំងឺកូវីដ១៩ផងដែរ។

បុរសរូបនេះ បានអះអាងថា៖ “បងប្អូនដែលរស់នៅប្រទេសថៃ កុំស្តាប់ពាក្យមេខ្យល់ នាំឆ្លងដែនខុសច្បាប់អី ការព្យាបាល និងកន្លែងស្នាក់នៅស្រុកអារញ្ញ ខាងថៃគេយកចិត្តទុកដាក់ណាស់ ឧបករណ៍មានប្រើប្រាស់គ្រប់គ្រាន់ បាយទឹកគ្រប់គ្រាន់ ដោយក្តីស្រលាញ់ បងប្អូនមិនបាច់រត់ឆ្លងដែនខុសច្បាប់មកទេ មើលកន្លែងសម្រាកព្យាបាលរបស់ម៉ាក់ខ្ញុំ និងប្អូនស្រីខ្ញុំចុះ កុំស្តាប់តាមអ្នកបំពុលសង្គមអី
ដោយក្តីគោរព!”

យ៉ាងណាមិញ នេះគ្រាន់ជាសារដាស់តឿនដល់ពលករខ្មែរ ដែលបានទៅធ្វើការនៅប្រទេសថៃ កុំឱ្យមានភាពជ្រួលច្របល់ ព្រោះពួកគេអាចទទួលបានការមើលថែយ៉ាងយកចិត្តទុក្ខដាក់ពីសំណាក់ក្រុមគ្រូពេទ្យនៅទីនោះ៕

អត្ថបទទាក់ទង