ផ្លឹស-ខេអេក ញូវ

សពមេធាវី លង់ទឹកស្លា ប់ រកឃើញហើយ នៅឆ្នេរអូរត្រេះ១

សង្គម
August 4th, 2021 (4 years)
Views: 291
Share

ព្រះសីហនុ៖ គិតត្រឹមវេលាម៉ោង ៦ នាទីព្រឹក ថ្ងៃទី៤ ខែសីហា ឆ្នាំ២០២១នេះ សាកសព មេធាវីវ័យក្មេងដែលបានលង់ទឹកស្លាប់ កាលពីរសៀលថ្ងៃទី៣ ខែសីហាកន្លងមក ត្រូវបានរកឃើញហើយ នៅចម្ងាយពីកន្លែងកើតហេតុ ជិត២គីឡូម៉ែត្រ ស្ថិតក្នុងភូមិ៦ សង្កាត់៤ក្រុងនិងខេត្តព្រះសីហនុ។

លោកវរសេនីយ៍ឯក ប៉ោ វណ្ណារ៉ា ប្រធានការិយាល័យនគរបាលទេសចរណ៍ ប្រចាំតំបន់ឆ្នេរ បានឱ្យដឹងថា នៅថ្ងៃទី៤ ខែសីហា ឆ្នាំ២០២១ វេលាម៉ោង៥៖៣០នាទី សាកសពជនរងគ្រោះភ្ញៀវទេសចរជាតិ ចំនួន ០១នាក់ ឈ្មោះ ជូ ជាគុយ មានទីលំនៅបច្ចុប្បន្ន នៅរាជធានីភ្នំពេញ ដែលបានបាត់ខ្លួនក្នុងពេលហេតុការណ៍ចុះងូតទឹកសមុទ្រកាលពីថ្ងៃ ទី៣ ខែសីហា ឆ្នាំ២០២១ នៅឆ្នេរអូរត្រេះ១, ត្រូវបានរកឃើញអណ្តែតទើរនៅលើឆ្នេរចម្ងាយប្រហែល ១.៣០០ ម៉ែត្រ ចុងអូរត្រេះ១ ទល់មុខឆៃណាថោន។

បច្ចុប្បន្នសាកសព ត្រូវបានសាច់ញាតិ នៃសពបានលើកយកមកដាក់នៅលើឆ្នេរ ដើម្បីសមត្ថកិច្ចធ្វើកោសល្យវិច័យតាមនីតិវិធី រួចទើបអនុញ្ញាតប្រគល់ជូនគ្រួសារ សាច់ញាតិ។

សូមរំឭកថា នៅវេលាម៉ោង ០៨៖៣០ នាទីយប់ ថ្ងៃទី៣ ខែសីហា ឆ្នាំ២០២១ លោក គួច ចំរើន គណៈអភិបាលខេត្តព្រះសីហនុ បានដឹកនាំបញ្ជាផ្ទាល់ ក្នុងប្រតិបត្តិការ នៃការស្វែងរកបុរសម្នាក់ ដែលបានបាត់ខ្លួន បន្ទាប់ពីចុះលេងទឹកសមុទ្រ ដោយសារទឹករលកខ្ពស់ តាំងពីវេលាម៉ោង ១៦ និង ៣០នាទីល្ងាច នៅចំណុចឆ្នេរអូរត្រេះ១ ក្នុងភូមិសាស្ត្រ សង្កាត់លេខ៤ ក្រុងព្រះសីហនុ។

ប្រតិបត្តិការនៃការស្វែងរកជនរងគ្រោះខាងលើនេះ មានការចូលរួមសហការពីក្រុមអ្នកមុជទឹក របស់កំពង់ផែស្វយ័តក្រុងព្រះសីហនុ និងអ្នកមុជទឹកស្ម័គ្រចិត្តកោះរ៉ុងផងដែរ។ ជនរងគ្រោះ ភេទប្រុស អាយុ ២៩ ឆ្នាំ ជនជាតិខ្មែរ មុខរបរជាមេធាវី មានទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍៕

អត្ថបទទាក់ទង

សពមេធាវី លង់ទឹក​ស្លា ប់ រកឃើញ​ហើយ នៅឆ្នេរអូរត្រេះ១

សពមេធាវី លង់ទឹកស្លា ប់ រកឃើញហើយ នៅឆ្នេរអូរត្រេះ១