×

ពិធីមង្គលការ ក្លាយជា​បុណ្យសព​ដោយសារ​រន្ទះបាញ់​ស្លា ប់១៧នាក់

បង់ក្លាដេស៖ មន្ត្រីនៃប្រទេសបង់ក្លាដេស បាននិយាយថា យ៉ាងហោចណាស់មនុស្ស ១៧ នាក់នៅក្នុងពិធីមង្គលការមួយ បានស្លាប់ បន្ទាប់ពីរន្ទះ បានបាញ់ចំទូកមួយដែលដឹកកូនកំលោះ និងអ្នកហែហមទៅផ្ទះរបស់កូនក្រមុំ។ នេះបើយោងតាមសារព័ត៌មាន BBC ចុះផ្សាយនៅថ្ងៃទី៥ ខែសីហា ឆ្នាំ២០២១។

មនុស្ស ១៤ នាក់ផ្សេងទៀត រួមទាំងកូនកំលោះបានរងរបួស។ ចំណែក កូនក្រមុំ មិនបាននៅលើទូកនោះទេ។ ហេតុការណ៍នេះ បានកើតឡើងនៅឯទីក្រុងស៊ីបហ្គាន (Shibganj) ខណៈកូនកំលោះ និងអ្នករួមដំណើរលើទូក កំពុងធ្វើដំណើរឆ្ពោះទៅផ្ទះកូនក្រមុំ ហើយភ្លាមៗនោះ ក៏ស្រាប់តែអាកាសធាតុប្រែប្រួល បង្កជាបាតុភូតរន្ទះតែម្ដង។

សាក្សីក្នុងតំបន់នោះ បាននិយាយថា ពួកគេបានឃើញរន្ទះបាញ់ជាច្រើនដង ចំទូករបស់កូនកំលោះ។

សូមជម្រាបថា ជារៀងរាល់ឆ្នាំ មនុស្សរាប់រយនាក់នៅទូទាំងតំបន់អាស៊ីខាងត្បូង ត្រូវបានរន្ទះបាញ់ស្លាប់។

នៅឆ្នាំ២០១៦ ប្រទេសបង់ក្លាដេស បានកំណត់ថា រន្ទះបាញ់ជាគ្រោះធម្មជាតិ នៅពេលដែលមនុស្សជាង ២០០ នាក់បានស្លាប់ដោយសារន្ទះ នៅក្នុងខែឧសភា ក្នុងនោះមានមនុស្ស ៨២ នាក់ស្លាប់នៅថ្ងៃតែមួយ៕

 

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika