ផ្លឹស-ខេអេក ញូវ

យ៉ាងតិចមនុស្ស ២.៨០០នាក់នៅក្រុងហាណូយ សង្ស័យឆ្លងកូវីដថ្មី តែត្រូវបិទខ្ទប់ឱ្យនៅក្នុងផ្ទះ

សង្គម
August 6th, 2021 (2 years)
63
Share

វៀតណាម៖ អាជ្ញាធរនៅខណ្ឌដុងដា ក្នុងចំណោមខណ្ឌទាំង៤ នៅកណ្តាលទីក្រុងហាណូយ បានដាក់គ្រួសារចំនួន ៩០០ ដែលមានប្រជាជនចំនួនប្រហែល ២.៨០០នាក់ ឱ្យស្ថិតក្រោមការបិទខ្ទប់ រយៈពេល១៤ថ្ងៃ បន្ទាប់ពីរកឃើញថា ពួកគេមួយចំនួនបានឆ្លងកូវីដ១៩ ដែលជាករណីថ្មី។

ប៉ុស្តិ៍ត្រួតពិនិត្យ ត្រូវបានបង្កើតឡើង នៅច្រកចេញចូលទៅកាន់តំបន់បិទខ្ទប់ មុនពេលទីក្រុងហាណូយ ចាប់ផ្តើមអនុវត្តវិធានការរក្សាគម្លាតសង្គម តាមការណែនាំរបស់នាយករដ្ឋមន្ត្រី កាលពីថ្ងៃទី២៤ ខែកក្កដា។

ជាមួយនឹងការឆ្លងថ្មីនេះ ចំនួនសរុបនៃអ្នកជំងឺកូវីដ១៩ទីនៅទីក្រុងហាណូយ បានកើនលើស ១.៧០០ នាក់ ចាប់តាំងពីរលកទី៤ នៃជំងឺរាតត្បាត បានផ្ទុះឡើងនៅប្រទេសវៀតណាមកាលពីចុងខែមេសា។

ក្រសួងសុខាភិបាលវៀតណាម ក៏បានប្រកាសពីករណីឆ្លងជំងឺកូវីដ១៩ ក្នុងសហគមន៍ ចំនួន ៤.០០៨ នាក់នៅក្នុងខេត្តក្រុងចំនួន ២៣ រួមទាំងអ្នកជំងឺចំនួន ២.៥៦៣នាក់ នៅទីក្រុងហូជីមិញ នាព្រឹកថ្ងៃសុក្រ ទី៦ ខែសីហានេះ។

រលកចុងក្រោយនេះ បាននាំឱ្យចំនួនអ្នកឆ្លងសរុបនៅវៀតណាម កើនដល់ ១៨៩.០៦៦ នាក់ ក្នុងនោះមានអ្នកជំងឺកូវីដ១៩ ជាសះស្បើយ ៥៨.០៤០ នាក់ និងស្លាប់ ២.៧២០ នាក់ គិតចាប់តាំងពីដើមឆ្នាំ២០២០៕

អត្ថបទទាក់ទង

យ៉ាងតិច​មនុស្ស ២.៨០០នាក់​នៅក្រុងហាណូយ សង្ស័យ​ឆ្លង​កូវីដថ្មី តែ​ត្រូវបិទខ្ទប់​ឱ្យ​នៅក្នុងផ្ទះ

យ៉ាងតិចមនុស្ស ២.៨០០នាក់នៅក្រុងហាណូយ សង្ស័យឆ្លងកូវីដថ្មី តែត្រូវបិទខ្ទប់ឱ្យនៅក្នុងផ្ទះ