ផ្លឹស-ខេអេក ញូវ

“បើខ្ញុំខ្លាច អ្នកណាជួយកូនបង? ជីវិតសំខាន់ណាស់ បញ្ហាអ្វីយើងគិតតាមក្រោយ” ពាក្យសម្តីគ្រូពេទ្យ ដែលពិបាករកក្នុងសម័យកូវីដ

កម្សាន្ត
August 7th, 2021 (4 years)
Views: 392
Share

ភ្នំពេញ៖ ខណៈពេលដែលវីរុសកូវីដ១៩ កំពុងរាតត្បាតក្នុងប្រទេស អ្នកជំងឺដែលមានជំងឺទូទៅភាគច្រើនទទួលបានការបដិសេធពីគ្រូពេទ្យនៅតាមបណ្តាគ្លីនិកមួយចំនួន ជាហេតុនាំឱ្យប្រជាពលរដ្ឋទាំងអស់ហាក់អស់សង្ឃឹម និងមានការបារម្មណ៍ចំពោះសុខភាព ប្រសិនបើមានជំងឺឈឺថ្កាត់អ្វីមួយប្រាកដជាយ៉ាប់យឺនមិនខានក្នុងគ្រានេះ។

ជាក់ស្តែង កាលពីពេលថ្មីៗនេះ គណនីបណ្តាញសង្គមមួយបានចែករំលែករឿងដែលគាត់បានជួបផ្ទាល់ថា៖ “កូនរបស់ខ្ញុំមានអាការៈគ្រុនក្តៅជិត ៣៩អង្សាសេ ក្រោយមកខ្ញុំក៏បាននាំកូនទៅមន្ទីរពេទ្យមួយកន្លែង ប៉ុន្តែបែរខាងមន្ទីរពេទ្យបដិសេដមិនទទួលដោយប្រាប់ថា ពួកគេមិនហ៊ានទទួលឡើយ ប្រសិនប៉ះចំអ្នកជំងឺកូវីដ នោះខាងក្រសួងនឹងចុះបិទមន្ទីរពេទ្យរយៈពេល ២៨ថ្ងៃមិនខាន”។

ក្រោយមកម្ចាស់គណនីហ្វេសប៊ុកខាងលើ ក៏បាននាំកូនទៅគ្លីនិកមួយកន្លែងទៀត ក៏ត្រូវបានគ្រូពេទ្យជួយសង្គ្រោះដោយពិនិត្យឃើញមានគ្រុនឈាមកម្រិតស្រាល និងរលាកបំពង់ក។ បន្ទាប់ពីកូនទទួលបានសុវត្ថិភាពហើយ គាត់ក៏បានសួរគ្រូពេទ្យថា៖ “ ទទួលខ្ញុំមិនខ្លាចភ្លាត់ប៉ះកូវីដទេឬ?” ពេលនោះលោកគ្រូពេទ្យបានឆ្លើយតបទៅកាន់សំណួរប្រកបដោយវិជ្ជាជីវៈ និងក្រមសីលធម៌ជាពេទ្យថា “បើខ្ញុំខ្លាច អ្នកណាជួយកូនបង? ជីវិតសំខាន់ណាស់ បញ្ហាយើងគិតតាមក្រោយ”។

មួយម៉ាត់នេះពិតជាមានន័យបំផុតដែលសក្តិសមជាមួយនឹងឯកសណ្ឋានពណ៌ស និងជាទីកក់ក្តៅសម្រាប់អ្នកជំងឺពិតប្រាកដ៕

អត្ថបទទាក់ទង