ផ្លឹស-ខេអេក ញូវ

លោកស្រី ឱ វណ្ណឌីន៖ គម្លាតពីដូសទី១ទៅដូសទី៣នៃការចាក់វ៉ាក់សាំងកូវីដ១៩ មានចន្លោះពី៦-៨ខែ

សង្គម
August 9th, 2021 (3 years)
Views: 265
Share

ភ្នំពេញ៖ ក្រសួងសុខាភិបាល បញ្ជាក់ថា ការចាក់វ៉ាក់សាំងដូសទី៣ មានចន្លោះ ពី ៦ខែទៅ ៨ខែ ដោយរាប់ចាប់ពីថ្ងៃដំបូងនៃការចាក់ដូសទី១ ដើម្បីការពារនូវហានិភ័យណាមួយកើតឡើងជាយថាហេតុ ក្នុងរយៈ ពេលចាក់ដូសទី៣ ឬដូសជំរុញ។

លោកស្រី ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស បានឱ្យដឹងថា តាមការបង្ហាញរបស់ក្រុមបច្ចេកទេសដែលបានរៀបចំឡើងដោយក្រសួងសុខាភិបាល បានបង្ហាញថា ការផ្តល់នូវវ៉ាក់សាំងដូសទី៣ គឺសម្រាប់អ្នកដែលបានចាក់វ៉ាក់សំាងស៊ីណូហ្វាម និងស៊ីណូវ៉ាក់ ត្រូវចាក់វ៉ាក់សំាង អាស្រ្តាហ្សេនីកា ជាដូសជំរុញ បន្ទាប់ពីការបង្ហាញនូវ លទ្ធផលមានប្រសិទ្ធភាពឆ្លើយតបបន្ថែមទៀត ដើម្បីរុញច្រានឱ្យអង់ទីគ័រ កាន់តែមានកម្រិតខ្ពស់។

លោកស្រីបន្ថែមថា ការចាក់វ៉ាក់សាំងស៊ីណូហ្វាម ឬស៊ីណូវ៉ាក់ ក៏មានអង់ទីគ័រដែរ ប៉ុន្តែដោយសារនៅក្នុងបរិបទនៃការរីករាលដាលនៃវីរុសកូវីដ១៩ ប្រភេទបំប្លែងថ្មីដែលតា បានចរាចរនៅក្នុងប្រទេសកម្ពុជាទៅហើយ ជាពិសេសក្រុមដែលប្រឈមខ្ពស់នូវការឆ្លងពីមេរោគកូវីដ១៩ នៅតាមខេត្តជាប់ព្រំដែនថៃ ដូច្នេះហើយបានជាសម្តេចតេជោ នាយករដ្ឋមន្ត្រី លោកមានការគិតគូរខ្ពស់ ដោយភាពវៃឆ្លាត នៅក្នុងការផ្ដល់នូវវ៉ាក់សាំងដូសទី៣នេះ ជូនទៅដល់ក្រុមជួរមុខ។

លោកស្រីបានបន្ថែមទៀតថា តាមនីតិវិធី គឺចន្លោះពី ៦ខែទៅ ៨ខែដែលអាចប្រើ ប្រាស់នូវដូសទី៣ឬដូសជំរុញ អ៊ីចឹងបើយើងគិតការចាក់សម្រាប់មន្ត្រីរាជការស៊ីវិល ក៏ដូចជាក្រុមគ្រូពេទ្យ គឺបានចាក់កាលពីថ្ងៃទី១០ខែកុម្ភៈមកម្ល៉េះ។ ដូចនេះ បើគិតពីខែកុម្ភៈ រហូតមកដល់បច្នុប្បន្ននេះ អាចទទួលបាននូវដូសទី៣ ឬដូសជំរុញនេះ ដើម្បីឱ្យសរីរាង្គកាន់តែមានភាពមាំទាំថែមទៀតសម្រាប់ឆ្លើយតបទៅ នឹងការវាយលុករបស់វីរុសកូវីដ១៩ប្រភេទបំប្លែងថ្មី ដែលតា។

លោកស្រីបញ្ជាក់ទៀតថា សម្រាប់អ្នកដែលបានចាក់វ៉ាក់សាំង អាស្រ្តាហ្សេនីកា មិនមានភាពចាំបាច់អ្វីដែលត្រូវរួសរាន់ត្រូវប្រើប្រាស់ដូសទី៣ នោះទេ ខណៈការចាក់ដូសទី២ ទើបតែបញ្ជប់ក្នុងរយៈពេល២ ឬ៣ខែនេះ៕

អត្ថបទទាក់ទង

លោកស្រី ឱ វណ្ណឌីន៖ គម្លាត​ពី​ដូសទី១​ទៅ​ដូសទី៣​នៃ​ការចាក់​វ៉ាក់សាំង​កូវីដ១៩ មាន​ចន្លោះ​ពី៦-៨ខែ

លោកស្រី ឱ វណ្ណឌីន៖ គម្លាតពីដូសទី១ទៅដូសទី៣នៃការចាក់វ៉ាក់សាំងកូវីដ១៩ មានចន្លោះពី៦-៨ខែ