ព័ត៌មានថ្មី
- ជាប់ឈ្មោះជាសេដ្ឋីពាន់លានដុល្លារ និងមានមិត្តប្រុសល្អចង់បង្កើតគ្រួសារពេញលេញជាមួយគ្នា តែគួរឱ្យស្តាយ Selena មិនអាចមានផ្ទៃពោះ
- បេក្ខជនម្នាក់នេះបានសោកស្ដាយបំផុតសម្រាប់ការចាកចេញពីផ្ទះបាយ MasterChef Cambodia របស់បញ្ញា
- ទាំងសម្រស់ ទាំងថ្ពាល់ខួច ទាំងវ័យប្រហែលគ្នាធ្វើឱ្យបេក្ខជន MasterChef Cambodia រដូវកាលទី ៣ លីនដា និង Ruby Lin មើលទៅកាន់តែស្រដៀងគ្នា
- ចុងភៅពូកែ២រូបមកពីវិទ្យាស្ថានម្ហូបអាហារកម្ពុជា ចូលរួមផ្ដល់ការប្រឹក្សាក្នុងការប្រកួត Offsite Challenge នៅក្រៅផ្ទះបាយ MasterChef Cambodia
- ធ្លាប់តែសម្តែងរឿងហូហែរ ពេលនេះអតីតតារាសម្តែងជើងចាស់ Chun Wong ត្រូវអង្គុយលើរទេះរុញ និងរស់នៅមណ្ឌលចាស់ជរាក្នុងវ័យ ៧៦ឆ្នាំ
ព្រឹត្តិការណ៍សំខាន់ៗមុននឹងការចាកចេញរបស់ Messi ទៅកាន់ PSG
- កីឡា
- August 11th, 2021 (3 years)
Lionel Messi បានចូលរួមជាមួយក្លិប Paris St Germain បន្ទាប់ពីការចាកចេញពីក្លិប Barcelona ។
Messi បានធ្វើការលាគ្នាដ៏ក្រៀមក្រំជាមួយក្រុមយក្សកាតាឡាន់ ដោយសារតែ “ឧបសគ្គផ្នែកហិរញ្ញវត្ថុនិងរចនាសម្ព័ន្ធ” រារាំងគាត់មិនឱ្យបន្តចុះកិច្ចសន្យាថ្មីនៅក្លិប។
ម្ចាស់ពានរង្វាន់ Ballon D’or ៦ សម័យ ត្រូវបានផ្សារភ្ជាប់ជាមួយនឹងការចាកចេញពីក្លិបយក្សកាតាឡាន់ កាលពីរដូវក្តៅមុន ប៉ុន្តែបន្ទាប់ពីស្នាក់នៅមួយរដូវកាលទៀត ក្លិបបានប្រកាសថា Messi នឹងចាកចេញ។
ព្រឹត្តិការណ៍រយៈពេល ១២ ខែចុងក្រោយនៃពេលវេលាដែល Messi នៅកីឡដ្ឋាន Nou Camp ៖
-ថ្ងៃទី១៤ ខែសីហា ឆ្នាំ២០២០៖ Messi និង Barcelona ត្រូវអាម៉ាសមុខ ពេលដែលពួកគេធ្លាក់ចេញពីក្របខណ្ឌ Champions League បន្ទាប់ពីចាញ់ ៨-២ ក្រោមថ្វីជើងក្លិប Bayern Munich ក្នុងការប្រកួតវគ្គ ១ ភាគ ៤ ផ្តាច់ព្រ័ត្រ។
-ថ្ងៃទី១៧ ខែសីហា៖ គ្រូបង្វឹកលោក Quique Setien បន្ទាប់ពីបរាជ័យនៅ Champions League និងបញ្ចប់ក្នុងចំណាត់ថ្នាក់លេខ២ នៅ La Ligaត្រូវបានបណ្តេញចេញពីការងារក្នុងរយៈពេលជាង ៨ ខែ បន្ទាប់ពីទទួលបន្ទុកនៅ Nou Camp ។ ទំនាក់ទំនងរបស់គាត់ជាមួយ Messi ត្រូវបានគេរាយការណ៍ថាមានភាពជូរចត់។
-ថ្ងៃទី១៩ ខែសីហា៖ អតីតខ្សែបម្រើក្លិប Barca លោក Ronald Koeman បានចាកចេញពីការងារជាអ្នកចាត់ការទូទៅរបស់ក្រុមជម្រើសជាតិហុល្លង់ ដើម្បីមកជំនួសលោក Setien ដោយលោកបានប្រាប់ Messi ថា គាត់នឹងលែងមាន “ឯកសិទ្ធិ” ដែលគាត់ធ្លាប់មាន។
-ថ្ងៃទី២៥ ខែសីហា៖ Messi បានផ្ញើសារមួយផ្ញើជូនប្រធានក្លិប Barcelona ប្រាប់ថា គាត់ចង់ចាកចេញពីក្រុមនេះ ដោយមានការអះអាងពីការមិនចុះសម្រុងគ្នារវាងកីឡាករនិងក្លិប ទាក់ទងនឹងសុពលភាពនៃកិច្ចសន្យាដែលអនុញ្ញាតឱ្យគាត់ចាកចេញដោយគ្មានតម្លៃខ្លួន។
-ថ្ងៃទី៣០ ខែសីហា៖ Messi ខកខានចំពោះការធ្វើតេស្តរកមេរោគកូវីដ១៩ មុនពេលការចាប់ផ្តើមហ្វឹកហាត់របស់ក្រុម Barcelona មានន័យថា គាត់មិនអាចចូលរួមជាមួយផែនការរបស់លោក Koeman បានទេ។ ក្រោយមកនៅថ្ងៃដដែល LaLiga ចេញសេចក្តីថ្លែងការណ៍មួយដែលគាំទ្រភាគីក្លិប Barcelona ក្នុងជម្លោះជាមួយ Messi ។
-ថ្ងៃទី៤ ខែកញ្ញា៖ Messi និយាយថា គាត់នឹងស្នាក់នៅក្លិបនេះ សម្រាប់រដូវកាលនេះ ព្រោះមិនមានក្រុមផ្សេងទៀតហ៊ានចំណាយ ៦០០ លានផោនលើតម្លៃផ្ទេររបស់ Messi ទេ។
-ថ្ងៃទី២៧ ខែតុលា៖ លោក Josep Maria Bartomeu លាលែងពីតំណែងជាប្រធានក្លិប Barcelona ។
-ថ្ងៃទី៧ ខែមីនា ឆ្នាំ២០២១៖ លោក Joan Laporta ត្រូវបានតែងតាំងជាប្រធានក្លិបថ្មីរបស់ Barcelona ហើយនិយាយថា គាត់សង្ឃឹមថា គាត់នឹងថែរក្សា Messi មិនឱ្យចាកចេញឡើយ។
-ថ្ងៃទី១ ខែកក្កដា៖ កិច្ចសន្យារបស់ Messi ផុតសុពលភាព មានន័យថា ក្លិបដទៃអាចយក Messi ទៅចូលរួមបានដោយមិនមានតម្លៃផ្ទេរពី Barca ឡើយ។
-ថ្ងៃទី១១ ខែកក្កដា៖ Messi ត្រូវបានបោះឆ្នោតជាកីឡាករឆ្នើមប្រចាំព្រឹត្តិការណ៍ ខណៈគាត់ជួយឱ្យអាហ្សង់ទីន ឈ្នះពានរង្វាន់ Copa America ដែលជាពានរង្វាន់អន្តរជាតិលើកដំបូងរបស់ Messi ។
-ថ្ងៃទី៥ ខែសីហា៖ Barcelona កំពុងប្រឈមមុខនឹងបញ្ហាហិរញ្ញវត្ថុធ្ងន់ធ្ងរ បានប្រកាសថាទោះបីជាពួកគេឈានដល់កិច្ចព្រមព្រៀងលើកិច្ចសន្យាថ្មីមួយក៏ដោយ ក៏ Messi មិនអាចចុះហត្ថលេខាបានទេដោយសារ “បទបញ្ជារបស់ La Liga ស្តីពីការចុះបញ្ជីកីឡាករ”។ ក្លិបនិយាយថា “Messi នឹងមិនស្នាក់នៅក្លិប FC Barcelona ឡើយ”។
-ថ្ងៃទី៨ ខែសីហា៖ Messi ស្រក់ទឹកភ្នែកនៅពេលធ្វើសន្និសីទសារព័ត៌មានលាគ្នា ដែលគាត់បានបង្ហើបថា គាត់ចង់បន្តស្នាក់នៅ Nou Camp ហើយការផ្លាស់ទៅ PSG ឬក្លិបផ្សេងទៀតមិនទាន់ត្រូវបានយល់ព្រមនៅឡើយទេ។
-ថ្ងៃទី១០ ខែសីហា៖ ក្រុម PSG បានប្រកាសពីការចុះហត្ថលេខាជាមួយ Messi ក្នុងកិច្ចសន្យារយៈពេល ២ ឆ្នាំ ដោយមានជម្រើសមួយឆ្នាំទៀត៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
