ព័ត៌មានថ្មី
- លោកជំទាវអ្នកឧកញ៉ា ម៉ៅ ចំណាន គិតម៉េង ចូលរួមខួបអនុស្សាវរីយ៍នៃទំនាក់ទំនងការទូតសហរដ្ឋអាមេរិក-កម្ពុជា លើកទី៧៥ នៅសារមន្ទីរជាតិ
- ក្រុមការងារសមាគមសិល្បករខ្មែរចុះសួរសុខទុក្ខតារាកំប្លែងនាយ ផ្លក់ចយ នៅមន្ទីរពេទ្យ
- «ថ្ងៃសែនដកជើងធូប» គ្រូចិនសែ ប្រាប់អំពីរបៀបរៀបចំគ្រឿងរណ្តាប់សែន យកង៉ូវហេងពេញមួយឆ្នាំ
- «សមរភូមិសំណើច»សប្ដាហ៍ទី៨៖ ល្បិចថ្មីពីកំពូលចុងភៅទាំងពីរ មិនត្រឹមតែមិនផ្ដល់ម្ហូបគ្រប់គ្រាន់ដល់កីឡាករទេ ថែមទាំងប្រើវិធីសាស្ត្រខូចឱ្យគេទិញម្ហូបទៀត
- យុវជនមួយរូបត្រូវចាប់ខ្លួនករណីបង្ហោះសារគម្រាមខ្សែប្រយុទ្ធ Kai Havertz
WHO រកឃើញការផ្ទុះឡើងវិញនូវជំងឺស្រដៀងអ៊ីបូឡា ដែលអត្រាស្លា ប់អាចដល់ ៨៨%
- សង្គម
- August 11th, 2021 (3 years)
ហ្គីណេ៖ មន្រ្តីអង្គការសុខភាពពិភពលោក បាននិយាយនៅថ្ងៃអង្គារ ទី១០ ខែសីហា ថា អាជ្ញាធរសុខាភិបាលនៅប្រទេសហ្គីណេ កំពុងតាមដានមនុស្សចំនួន ១៥៥ នាក់ដែលអាចមានទំនាក់ទំនងជាមួយករណីឆ្លងវីរុសម៉ាប៊ឺក (Marburg) ដែលជាជំងឺឆ្លងខ្លាំងស្រដៀងនឹងជំងឺអេបូឡា។
ករណីឆ្លងជំងឺម៉ាប៊ឺក ដែលអង្គការសុខភាពពិភពលោករកឃើញនៅអាហ្វ្រិភាគខាងលិច ត្រូវបានបញ្ជាក់នៅទីក្រុងហ្គឺកឺឌូ Gueckedou នៅភាគអាគ្នេយ៍នៃប្រទេសហ្គីណេ។ តំបន់នេះ គឺជាប្រភពដើមនៃការផ្ទុះឡើងនៃជំងឺអេបូឡា នៅអាហ្វ្រិកខាងលិច កាលពីឆ្នាំ២០១៤-២០១៦ ដែលជាការស្លាប់ច្រើនបំផុតក្នុងប្រវត្តិសាស្ត្រ ហើយបានផ្ទុះឡើងម្ដងទៀតនៅឆ្នាំនេះ។
លោក Georges Ki-Zerbo តំណាងអង្គការសុខភាពពិភពលោកប្រចាំប្រទេសហ្គីណេ បាននិយាយថា ជំងឺម៉ាប៊ឺក បានឆ្លងតាមរយៈសត្វ ជាពិសេសសត្វប្រចៀវ នៅភាគខាងត្បូងប្រទេសហ្គីណេ ប្រទេសសៀរ៉ាឡេអូន និងប្រទេសលីបេរីយ៉ា។
ជំងឺម៉ាប៊ឺក និងអេបូឡា មានទំនាក់ទំនងយ៉ាងជិតស្និទ្ធ ហើយឆ្លងពីមនុស្សម្នាក់ទៅមនុស្សម្នាក់បាន តាមរយៈការប៉ះពាល់ជាមួយឈាម ឬវត្ថុរាវដទៃទៀត។
ប្រទេសហ្គីណេ ត្រូវបានប្រកាសថា គ្មានមេរោគអេបូឡា កាលពីពីរខែមុន បន្ទាប់ពីការផ្ទុះឡើងដែលបានសម្លាប់មនុស្ស ១២នាក់។
អត្រាស្លាប់ដោយសារជំងឺម៉ាប៊ឺកក្នុងការផ្ទុះឡើងកន្លងមក បានបង្ហាញថា មានចន្លោះពី ២៤% ទៅ ៨៨% សម្រាប់អ្នកដែលបានឆ្លង៕
ប្រភព៖ Reuters
អត្ថបទទាក់ទង
MasterChef Cambodia
