ផ្លឹស-ខេអេក ញូវ

ក្រសួងធនធានទឹក ប្រាប់ឱ្យបន្តប្រុងប្រយ័ត្នពីផ្គររន្ទះនិងខ្យល់កន្ត្រាក់ខ្លាំង ហើយភ្លៀងអាចធ្លាក់ពីមធ្យមទៅច្រើន

សង្គម
May 18th, 2021 (4 years)
Views: 147
Share

ភ្នំពេញ៖ នៅថ្ងៃទី១៨ ខែឧសភា ឆ្នាំ២០២១នេះ ក្រសួងធនធានទឹក និងឧតុនិយម បានជូនដំណឹងថា ក្នុងអំឡុងសប្តាហ៍ខាងមុខនេះ ព្រះរាជាណាចក្រកម្ពុជា នឹងទទួលឥទ្ធិពលពីខ្យល់មូសុងនិរតី និងសូមសាធារណជនសូមសាធារណជនបង្កើនការប្រុងប្រយ័ត្នខ្ពស់ចំពោះបាតុភូតផ្គរ រន្ទះ ខ្យល់កន្ត្រាក់ ។ ឯតំបន់មាត់សមុទ្រសូមប្រជានេសាទ និងអ្នកធ្វើទេសចរណ៍តាមផ្លូវទឹក ត្រូវមានការប្រុងប្រយ័ត្នចំពោះល្បឿនខ្យល់ខ្លាំង និងរលកសមុទ្រខ្ពស់ៗ។

ក្រសួងបានឱ្យដឹងដែរថា បណ្តាខេត្តនៅតំបន់វាលទំនាបកណ្ដាល នឹងអាចមានភ្លៀងធ្លាក់រាយប៉ាយ ក្នុងកម្រិតពីមធ្យម ទៅច្រើន ក្នុងនោះក៏អាចមានផ្នែកមួយចំនួន មានភ្លៀងធ្លាក់ខ្លាំង។ ចំណែក បណ្តាខេត្ត ជាប់ជួរភ្នំដងរែក និងខ្ពង់រាបឦសាន នឹងអាចមានភ្លៀងរាយប៉ាយនៅក្នុងកម្រិតពីមធ្យមទៅច្រើន ។

ជាមួយគ្នានេះ តំបន់មាត់សមុទ្រ នឹងអាចមានភ្លៀងធ្លាក់ពីមធ្យមទៅច្រើន។ នៅលើផ្ទៃសមុទ្រ នឹងអាចមានភ្លៀងធ្លាក់ច្រើន ជាមួយនឹងខ្យល់បក់ខ្លាំង និងរលកសមុទខ្ពស់៕

អត្ថបទទាក់ទង