ផ្លឹស-ខេអេក ញូវ

សូមកុំធ្វេសប្រហែល! ពហុកីឡដ្ឋានជាតិអូឡាំពិក កំពុងរៀបចំគ្រែបន្ថែមជិត៥០០០គ្រែសម្រាប់អ្នកជំងឺកូវីដ១៩

សង្គម
August 14th, 2021 (2 years)
134
Share

ភ្នំពេញ៖ មន្រ្តីជាន់ខ្ពស់ក្រសួងសុខាភិបាលបានឱ្យដឹងថា ក្រសួងកំពុងរៀបចំគ្រែបន្ថែមជិត៥០០០គ្រែទៀត នៅពហុកីឡដ្ឋានជាតិអូឡាំពិក សម្រាប់ទទួលអ្នកជំងឺកូវីដ១៩ដែលជាមណ្ឌលថែទាំព្យាបាលជំងឺកូវីដ១៩ ធំជាងគេនៅកម្ពុជា ដើម្បីសម្រួលដល់ការព្យាបាលអ្នកឆ្លងជំងឺនេះ ដែលនៅតែកើតមានឡើងជារៀងរាល់ថ្ងៃ។

លោកសាស្រ្តាចារ្យវេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ និងជាអ្នកគ្រប់ គ្រងរៀបចំមណ្ឌលព្យាបាលអ្នកជំងឺកូវីដ១៩ នៅពហុកីឡដ្ឋានជាតិអូឡាំពិក បានឱ្យដឹងថា មណ្ឌលថែទាំព្យាបាលជំងឺកូវីដ១៩ នៅពហុកីឡដ្ឋានជាតិអូឡាំពិកនេះ បានរៀបចំរួចរាល់ ចំនួនជាង៣ពាន់គ្រែ និងគ្រោងរៀបចំ១២០០គ្រែទៀតឱ្យរួចរាល់នៅចុងខែសីហានេះ ដើម្បីដាក់ ដំណើរការមណ្ឌលថែទាំព្យាបាលជំងឺកូវីដ១៩ជាមណ្ឌលព្យាបាលធំជាងគេនៅកម្ពុជា ។
លោកបានបញ្ជាក់ថា សម្ភារវេជ្ជសាស្ត្រ បរិក្ខារពេទ្យសម្រាប់ព្យាបាលអ្នកជំងឺកូវីដ១៩ ក៏មានដូចមន្ទីរពេទ្យថ្នាក់ជាតិផងដែរ ដូចជាការបំពាក់នូវម៉ាស៊ីនតាមដានសញ្ញាជីវិតរបស់អ្នកជំងឺ និងម៉ាស៊ីនថប់ដង្ហើម ម៉ាស៊ីនបូម ស្លេស្ម៍ជាដើម។

សូមបញ្ជាក់ថា គិតត្រឹមថ្ងៃទី១៣ ខែសីហា មានអ្នកជំងឺជាង១ពាន់នាក់ កំពុងសម្រាកព្យាបាលនៅមណ្ឌលថែទាំ នៅពហុកីឡដ្ឋានជាតិអូឡាំពិក ក្នុងនោះ មានចំនួន១១អគារជាកន្លែងសម្រាប់ព្យាបាលជំងឺកូវីដ១៩៕

ប្រភព៖ វិទ្យុជាតិកម្ពុជា

អត្ថបទទាក់ទង