×

ស្លា ប់​យ៉ាងតិច ៣០៤នាក់ និង​របួស​ជិត២ពាន់នាក់ ក្នុង​គ្រោះរញ្ជួយដី​នៅហៃទី

ហៃទី៖ គ្រោះរញ្ជួយដីដ៏ខ្លាំងមួយ បានវាយប្រហារប្រទេសហៃទី ដោយបានសម្លាប់មនុស្សយ៉ាងតិច ៣០៤ នាក់និងរបួសជាង ១៨០០ នាក់។

គ្រោះរញ្ជួយដីកម្រិត ៧,២ រ៉ិចទ័របានវាយប្រហារភាគខាងលិចប្រទេសហៃទី កាលពីព្រឹកថ្ងៃសៅរ៍ ដោយបានបំផ្លាញអគារជាច្រើន រួមទាំងព្រះវិហារ និងសណ្ឋាគារផងដែរ។

នាយករដ្ឋមន្រ្តីហៃទី បាននិយាយថាមាន “ការខូចខាតយ៉ាងច្រើន” និងបានប្រកាសភាពអាសន្នរយៈពេលមួយខែ។ លោកបាននិយាយថា លោកបានកែនក្រុមការងារមួយ ដើម្បីធ្វើការងារសង្គ្រោះ។

មជ្ឈមណ្ឌលព្យាករអាមេរិក (USGS) បាននិយាយថា ចំណុចកណ្តាលនៃការរញ្ជួយដីកាលពីថ្ងៃសៅរ៍ នៅចម្ងាយប្រហែល ១២ គីឡូម៉ែត្រពីទីក្រុង Saint-Louis du Sud ។

ប្រធានាធិបតីអាមេរិក លោក ចូ បៃដិន បានបញ្ជាឱ្យក្រុមឆ្លើយតបបន្ទាន់របស់អាមេរិក ដើម្បីជួយប្រទេសហៃទី ហើយបាននិយាយថា ទីភ្នាក់ងារ USAID នឹងធ្វើការដើម្បីគាំទ្រកិច្ចខិតខំប្រឹងប្រែងដើម្បីវាយតម្លៃនៃការខូចខាត និងជួយដល់កិច្ចខិតខំប្រឹងប្រែងក្នុងការជួយសង្គ្រោះអ្នករងរបួស៕

 

អ្នកអាចចែករំលែកដោយ៖

អត្ថបទទាក់ទង