ផ្លឹស-ខេអេក ញូវ

ម្ចាស់តោ ទទួលការព្រមានផ្ដិតមេដៃធ្វើកិច្ចសន្យា មិនឱ្យតោចេញក្រៅផ្ទះទៀតឡើយ

សង្គម
August 16th, 2021 (2 years)
100
Share

អត្ថបទ៖ ម៉ៅ នរិទ្ធិយ៉ា

ភ្នំពេញ៖ អាជ្ញាធរខណ្ឌបឹងកេងកង បានចុះទៅធ្វើការណែនាំដល់ម្ចាស់សត្វតោឈ្មោលមួយក្បាល ដែលជាជនជាតិចិន ដែលបានចិញ្ជឹមធ្វើឱ្យរួចចេញក្រៅផ្ទះ និងដើរតាមផ្លូវសាធារណៈ បានបង្កការភ័យខ្លាចដល់ប្រជាពលរដ្ឋ និងអ្នកធ្វើដំណើរតាមផ្លូវ កាលពីព្រឹកថ្ងៃទី១៦ ខែសីហា ឆ្នាំ២០២១។

លោក ធីម សំអាន អភិបាលខណ្ឌបឹងកេងកង បានដឹកនាំអាជ្ញាធរចុះត្រួតពិនិត្យ និងណែនាំដល់ម្ចាស់សត្វតោ នៅរសៀលថ្ងៃទី១៦ ខែសីហា ឆ្នាំ២០២១ ក្រោយពីទទួលបានការរាយការណ៍ពីប្រជាពលរដ្ឋដែលមានទីលំនៅក្បែរផ្លូវលេខ៣០៦ ស្ថិតក្នុងសង្កាត់បឹងកេងកង១ ខណ្ឌបឹងកេងកង ថា មានសត្វមួយក្បាល បានដើរចេញតាមផ្លូវសាធារណៈបង្កការភ័យខ្លាចដល់ប្រជាពលរដ្ឋដែលរស់នៅក្បែរខាង ក៏ដូចជាប្រជាពលរដ្ឋធ្វើដំណើរតាមផ្លូវ។

ភ្លាមៗ លោកបានចុះមកដល់ទីតាំងផ្ទាល់ ដើម្បីធ្វើការហៅម្ចាស់តោជាជនជាតិមកធ្វើការណែនាំ និងផ្តិតមេដៃធ្វើកិច្ចសន្យាមិនឱ្យមានការធ្វេសប្រហែសម្តងទៀតឡើយ និងបានព្រមានដល់ម្ចាស់តោ ថា ប្រសិនជាមានរឿងបែបនេះកើតឡើងម្តងទៀត លោកនឹងឱ្យម្ចាស់តោទទួលខុសត្រូវតាមផ្លូវច្បាប់ ដោយគ្មានការលើកលែងឡើយ។

សូមបញ្ជាក់ថា សត្វតោមួយក្បាលឈ្មោះ Hei Man ដែលមានម្ចាស់ជាជនជាតិចិនចិញ្ចឹមនោះ បានរួចចេញពីផ្ទះវីឡា នៅក្នុងខណ្ឌបឹងកេងកង ហើយត្រូវបានប្រជាពលរដ្ឋប្រទះឃើញដើរនៅតាមផ្លូវលេខ៣០៦ មិនឆ្ងាយប៉ុន្មានពីផ្ទះរបស់ម្ចាស់វានោះទេ៕

អត្ថបទទាក់ទង

ម្ចាស់តោ ទទួល​ការព្រមាន​ផ្ដិតមេដៃ​ធ្វើកិច្ចសន្យា មិនឱ្យ​តោចេញ​ក្រៅផ្ទះទៀត​ឡើយ

ម្ចាស់តោ ទទួលការព្រមានផ្ដិតមេដៃធ្វើកិច្ចសន្យា មិនឱ្យតោចេញក្រៅផ្ទះទៀតឡើយ