ផ្លឹស-ខេអេក ញូវ

បន្ទាន់! ក្មេងបន្សាបគ្រឿងញៀនរាប់រយនាក់ ឆ្លងកូវីដ១៩ក្នុងមណ្ឌលជីវិតថ្មីភ្នំបាក់ ខេត្តបន្ទាយមានជ័យ

សង្គម
August 18th, 2021 (3 years)
Views: 198
Share

បន្ទាយមានជ័យ៖ យោងតាមសេចក្តីប្រកាសព័ត៌មានរបស់រដ្ឋបាលខេត្តបន្ទាយមានជ័យ នៅថ្ងៃទី១៨ ខែសីហា ឆ្នាំ២០២១ បានឱ្យដឹងថា ខេត្តភាគខាងលិចជាប់ព្រំដែនថៃមួយនេះ មានអ្នកឆ្លងកូវីដ-១៩ចំនួន ៦៨៩នាក់ ដែលជាចំនួនដ៏ច្រើនមិនធ្លាប់មាន។ បញ្ហានេះ អ្វីដែលជាការកត់សម្គាល់នោះគឺ ក្នុងចំនួននេះ មានក្មេងបន្សាបគ្រឿងញៀនរាប់រយនាក់ឯណោះ បានឆ្លងកូវីដ-១៩ និងបណ្តាលឱ្យកើតមានជាចលាចលនៅក្នុងមណ្ឌល និងរត់ចេញពីមណ្ឌចំនួន ៥០នាក់ ហើយបានតាមចាប់យកមកវិញបានចំនួន ៤៩នាក់ហើយ គិតត្រឹមរសៀលថ្ងៃទី២៨ ខែសីហា ឆ្នាំ២០២១។

យោងតាមប្រភពព័ត៌មានបឋម ពីមណ្ឌលជីវិតថ្មីភ្នំបាក់ បានឱ្យដឹងថា ក្នុងមណ្ឌលនេះមានក្មេងបន្សាបថ្នាំញៀនជាង ៦០០នាក់ និងបានរកឃើញវីរុសប្រភេទថ្មី ដែលតា (Delta) ចំនួន២៧ ក្នុងចំណោមអ្នកឆ្លងសរុប។ ទន្ទឹមនឹងនេះ អាជ្ញាធរពាក់ព័ន្ធកំពុងមានវិធានការដើម្បីទប់ស្កាត់ហើយ ដោយធ្វើការបញ្ជូនពួកគេទាំងនោះទៅយកសំណាក់បន្ទាន់នៅក្នុងថ្ងៃនេះផងដែរ។

សូមបញ្ជាក់ថា កាលពីវេលាម៉ោង ៧:៣០នាទីព្រឹក ថ្ងៃទី១៨ ខែសីហា ឆ្នាំ២០២១ មានករណីក្មេងញៀនគ្រឿងញៀន នៅមណ្ឌលកែប្រែភ្នំបាក់ ខេត្តបន្ទាយមានជ័យ បានរត់ចេញពីមណ្ឌលចំនួន ៥០នាក់។
ក្នុងករណីនេះ លោក អ៊ុ រាត្រី អភិបាលខេត្តបន្ទាយមានជ័យ បានដឹកនាំកម្លាំង ចុះចាប់ភ្លាមៗផងដែរ ដែលមានកម្លាំងតំបន់ប្រតិបត្តិការសឹករងបន្ទាយមានជ័យចំនួន ១៣នាក់ កម្លាំងផ្នែកសឹករងក្រុងសិរីសោភ័ណចំនួន ២នាក់ ដឹកនាំដោយ លោក ឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងបន្ទាយមានជ័យ និងកម្លាំងគណៈបញ្ជាការឯកភាពខេត្ត និងកម្លាំងគណៈបញ្ជាការឯកភាពក្រុងផងដែរ៕

អត្ថបទទាក់ទង