ផ្លឹស-ខេអេក ញូវ

អតីតប្រធានក្រុមបាល់ទាត់នារីអាហ្វហ្គានីស្ថាន ប្រាប់កីឡាការិនីទាំងអស់ឱ្យដុតសម្លៀកបំពាក់ និងរូបថតរបស់ពួកគេចោល

កីឡា
August 19th, 2021 (3 years)
Views: 275
Share

ដាណឺម៉ាក៖ អតីតប្រធានក្រុមកីឡាបាល់ទាត់នារី របស់ប្រទេសអាហ្វហ្គានីស្ថាន បានជំរុញឱ្យកីឡាការិនីសញ្ជាតិអាហ្វហ្គានីស្ថានគ្រប់រូប លុបបណ្តាញសង្គម បំផ្លាញអត្តសញ្ញាណសាធារណៈ និងដុតសម្ភាររបស់ពួកគេដើម្បីសុវត្ថិភាពរបស់ពួកគេ ព្រោះប្រទេសនេះស្ថិតនៅក្រោមការគ្រប់គ្រងរបស់ក្រុមតាលីបង់ម្តងទៀត។

អតីតកីឡាការិនីរបស់ក្រុមបាល់ទាត់នារីអាហ្វហ្គានីស្ថានរូបនេះ កំពុងស្ថិតនៅទីក្រុង Copenhagan ប្រទេសដាណឺម៉ាក បានប្រាប់ទីភ្នាក់ងារសារព័ត៌មានរ៉យទ័រនៅក្នុងបទសម្ភាសមួយនៅថ្ងៃពុធទី១៨ ខែសីហា ថា ពួកសកម្មប្រយុទ្ធ បានសម្លាប់រំលោភ និងគប់ដុំថ្មលើស្ត្រី កាលពីអតីតកាល ហើយភ័យខ្លាចថា មិនដឹងមានអ្វីកើតឡើងចំពោះអនាគតរបស់កីឡាការិនីអាហ្វហ្គានីស្ថានទាំងនោះឡើយ។

លោកស្រី Khalida Popal បាននិយាយថា នាងតែងតែប្រើប្រាស់សំឡេងរបស់នាងដើម្បីលើកទឹកចិត្តដល់យុវនារី “ឱ្យឈររឹងមាំក្លាហាន”។

ក្នុងអំឡុងពេលនៃការគ្រប់គ្រងរបស់តាលីបង់ ឆ្នាំ១៩៩៦-២០០១ តាលីបង់ បានបញ្ឈប់ស្ត្រី មិនឱ្យធ្វើការឡើយ។ ចំណែកក្មេងស្រី មិនត្រូវបានអនុញ្ញាតឱ្យទៅសាលារៀនទេ ហើយស្ត្រីត្រូវមានក្រណាត់គ្របរាងកាយឱ្យជិត ដើម្បីចេញទៅខាងក្រៅ ដែលត្រូវមានសាច់ញាតិបុរសរួមដំណើរជាមួយ៕

អត្ថបទទាក់ទង