ផ្លឹស-ខេអេក ញូវ

ដល់កហើយ! ប្តីរបស់កូនខ្លួនឯងក៏ហ៊ានយកដែរ “កម្មផល” មានពិត ប្រាកដជាតាមផ្តន្ទាទោសមិនខាន

កម្សាន្ត
August 26th, 2021 (2 years)
346
Share

ភ្នំពេញ៖ តាមជំនឿខ្មែរយើងមានការជឿលើកម្មផលដោយយើងនាំគ្នាជឿថា អ្នកណាសាងអី អ្នកនោះបានហ្នឹង ហេតុដូចនេះហើយទើបអ្នកខ្លះខំប្រឹងសាងបុណ្យដាក់ទានដើម្បីទទួលបានផលបុណ្យល្អៗមកវិញ។ ប៉ុន្តែក៏មានមនុស្សមួយចំនួនមិនខ្វល់ពីបុណ្យបាបអ្វីឡើយ ដោយពួកគេបានសាងបាប និងអំពើមិនគប្បីជាច្រើនរហូតធ្វើឱ្យជីវិតអ្នកដទៃវិនាសក៏មានដែរ។

ជាក់ស្តែងក្នុងភាពយន្ត “កម្មផល” វគ្គ “លោកម្ចាស់” បានឆ្លុះបង្ហាញពីការបៀតបៀនជីវិតមនុស្សជុំវិញខ្លួនដោយក្នុងនាមជាម្តាយម្នាក់ហ៊ានប្រព្រឺត្តអំពើមិនគប្បី យកប្តីកូនស្រីមកធ្វើជាកម្មសិទ្ធិរបស់ខ្លួនគ្មានរអៀសខ្លួន។ ផលកម្ម បានតាមផ្តន្ទាទោសរហូតធ្វើឱ្យវិនាសខ្លួន បាត់បង់ទ្រព្យសម្បតិ្ត សាច់ញាតិ ជាការតបស្នងចំពោះទង្វើដែលខ្លួនបានសាងទាំងប៉ុន្មាន។

ភាពយន្ត “កម្មផល” បានបង្ហាញពីតថភាពក្នុងសង្គមដែលមានគ្រប់រសជាតិមួយនេះនឹងមានផ្សាយជូនទស្សនារៀងរាល់ថ្ងៃសុក្រ វេលាម៉ោង ៨-៩យប់នៅលើកញ្ចក់ទូរទស្សន៍ និងផេកបណ្តាញសង្គម CTN និងមានចាក់ផ្សាយឡើងវិញនៅថ្ងៃសៅរ៍ វេលាម៉ោង ៤-៥ល្ងាច៕