×

លិចទូក​នៅប្រទេស​បង់ក្លាដេស សម្លា ប់មនុស្ស ២១ នាក់

បង់ក្លាដេស៖ យ៉ាងហោចណាស់មនុស្ស ២១ នាក់បានស្លាប់ បន្ទាប់ពីទូកដឹកអ្នកដំណើរជាង ១០០ នាក់បានក្រឡាប់ នៅទន្លេ ទីតាស ប្រទេសបង់ក្លាដេស បន្ទាប់ពីបុកគ្នាជាមួយនាវាដឹកខ្សាច់ ដែលត្រូវបានកប៉ាល់មួយគ្រឿងទៀត បុកពីក្រោយ។

អ្នកដំណើរម្នាក់បានប្រាប់ថា ទូករបស់ពួកគេបានចាកចេញពីស្រុក Brahmanbaria នៅម៉ោងប្រហែល ៤ និង ៣០ នាទីរសៀល ថ្ងៃសុក្រ ទី២៨ ខែសីហា ឆ្នាំ២០២១។ ការបុកគ្នានេះបានកើតឡើងនៅក្នុងតំបន់ Laisca Beel បន្ទាប់ពីទូកនោះបានក្រឡាប់ហើយលិច។

ស្នងការរងនៃស្រុក Brahmanbaria បានបញ្ជាក់ពីចំនួនអ្នកស្លាប់ ២១នាក់ និងអ្នករងរបួសត្រូវបានបញ្ជូនទៅមន្ទីរពេទ្យ។

អាជ្ញាធរក៏បាននិយាយផងដែរថាមនុស្សជាច្រើនកំពុងបាត់ខ្លួន ប៉ុន្តែមិនបានផ្តល់តួលេខច្បាស់លាស់ទេ។

ក្រុមជួយសង្គ្រោះនិងអ្នកមុជទឹកជាច្រើននាក់ មកពីសេវាកម្មពន្លត់អគ្គីភ័យ កំពុងប្រតិបត្តិការដើម្បីស្វែងរកមនុស្សដែលបាត់ខ្លួន៕

អ្នកអាចចែករំលែកដោយ៖

អត្ថបទទាក់ទង