×
ព័ត៌មានថ្មី

អ្នកគាំទ្រ​តារាប្រុស​សង្ហា Lee Minho កំពុង​សង្ស័យ​លោកមានទំនាក់ទំនង​ស្នេហា​ជាមួយ​នឹង Yeonwoo សមាជិក​ក្រុម MOMOLAND

កូរ៉េខាងត្បូង៖ ការណាត់ជួបគ្នាជាញឹកញាប់រវាងតារាសម្តែងប្រុសសង្ហា Lee Minho និង Yeonwooសមាជិកក្រុម MOMOLAND កណ្តាលអាធ្រាតជាញឹកញាប់ដែលរូបភាពត្រូវបានប្រមាញ់ឃើញ Lee Minho ទៅយក Yeonwoo ទៅផ្ទះលោកកំពុងក្លាយជាប្រធានបទមួយដែលធ្វើឱ្យអ្នកគាំទ្រជាច្រើនមានចម្ងល់ជាខ្លាំងថា អ្នកទាំង ២កំពុងមានទំនាក់ទំនងស្នេហានឹងគ្នា ឬយ៉ាងណា?

ទាក់ទិននឹងចម្ងល់មួយនេះ ភ្នាក់ងារផលិតកម្ម MYM បានចេញមុខបកស្រាយថា រវាងតារាទាំង ២ គ្រាន់ជាអ្នកស្គាល់គ្នាប៉ុណ្ណោះ។ កាលដែលគ្រប់គ្នាឃើញ Lee Minho ទៅយក Yeonwoo គឺដើម្បីនាំគ្នាចូលរួមកម្មវិធីខួបកំណើតនាង ម៉្យាងមិនមែនមានតែអ្នកទាំង ២ឡើយដែលនៅទីនោះ ពោលក៏មានមិត្តភក្តិមួយចំនួនទៀតបានចូលរួមផងដែរ។

ការចេញមកបកស្រាយបែបនេះបានធ្វើឱ្យមហាជនមានចម្ងល់ថា បើគ្រាន់តែមូលហេតុប៉ុណ្ណឹង ហេតុអ្វីត្រូវណាត់ជួបគ្នាស្ងាត់ៗកណ្តាលយប់បែបនេះ ហើយមកទល់ពេលនេះឃើញពួកគេណាត់ជួបគ្នារយៈពេល ៥ខែមកហើយ។ អ្វីដែលសំខាន់ រាល់លើកដែលមានពាក្យចចាមអារ៉ាមរឿងស្នេហាបែបនេះ គឺ Lee Minho ជាអ្នកចេញមុខបដិសេដដោយផ្ទាល់ ប៉ុន្តែលើកនេះបែរជាខាងភ្នាក់ងាររបស់ផលិតកម្មជាអ្នកចេញមកបកស្រាយទៅវិញ។

រីឯមតិជាច្រើននាក់ទៀតបានបញ្ចេញមតិថា ប្រហែលអ្នកទាំង ២កំពុងមើលចិត្តគ្នាមិនទាន់ទទួលស្គាល់គ្នាក្នុងឋានៈជាគូស្នេហ៍នៅឡើយទេទើបពេលនេះប្រើពាក្យត្រឹមអ្នកស្គាល់គ្នា ដែលនេះគឺជាចម្លើយដែលតារាកូរ៉េឯទៀតនិយមប្រើមុនពេលក្លាយជាគូស្នេហ៍ពិតប្រាកដ។ ដោយមិនទាន់មានការបញ្ជាក់ពីសមីខ្លួនបែបនេះ អ្នកគាំទ្រមានតែទន្ទឹងរង់ចាំមួយរយៈទៀតតែប៉ុណ្ណោះ៕

អ្នកអាចចែករំលែកដោយ៖

អត្ថបទទាក់ទង