ផ្លឹស-ខេអេក ញូវ

សូមប្រុងប្រយ័ត្ន! រកឃើញករណី Delta ចំនួន ១៦៤ ករណីបន្ថែមទៀត ក្នុង៥រាជធានី-ខេត្ត

សង្គម
August 31st, 2021 (3 years)
Views: 295
Share

ភ្នំពេញ៖ ក្រសួងសុខាភិបាល បានប្រកាសពីការរកឃើញវីរុសកូវីដ១៩ បំប្លែងថ្មី B.1.617.2 (Delta) ចំនួន ១៦៤ ករណីបន្ថែមទៀត នៅថ្ងៃទី២៩ ខែសីហា និងថ្ងៃទី៣០ ខែសីហា ឆ្នាំ២០២១។

យោងតាមសេចក្ដីជូនព័ត៌មាន នៅថ្ងៃទី៣១ ខែសីហា នេះ ក្រសួងសុខាភិបាល បានរកឃើញ ៥ រាជធានី-ខេត្ត មានករណីវីរុសកូវីដ១៩ បំប្លែងថ្មី Delta ក្នុងនោះ រាជធានីភ្នំពេញ រកឃើញ ៨៦ករណី, ខេត្តបន្ទាយមានជ័យ រកឃើញ ៦៣ករណី, ខេត្តបាត់ដំបង រកឃើញ ៩ករណី, ខេត្តពោធិ៍សាត់ រកឃើញ ៣ករណី និងខេត្តព្រះសីហនុ រកឃើញ ៣ករណី។

គិតត្រឹមថ្ងៃទី៣០ ខែសីហា ឆ្នាំ២០២១ កម្ពុជា មានករណី Delta សរុបចំនួន ១៩១៦ ករណី ដែលត្រូវបានរកឃើញលើអ្នកដំណើរមកពីបរទេសតាមជើងហោះហើរ ពលករខ្មែរត្រឡប់ពីប្រទេសថៃ និងវៀតណាម ប្រជាជនអ្នកភូមិនៅក្នុងសហគមន៍ ក្រុមហ៊ុនឯកជន បុគ្គលិកសុខាភិបាល អាជីវករ មន្ត្រីរាជការ យោធា ពិរុទ្ធជន អ្នកបកប្រែភាសា ជនបរទេស បុគ្គលិករោងចក្រកាត់ដេរ បុគ្គលិកធនាគារ ដូនជីនៅវត្ត និងសិស្ស។

ខេត្ត២ ដែលពុំទាន់រកឃើញ Delta នៅឡើយ រួមមាន ខេត្តកែប និងខេត្តក្រចេះ៕

អត្ថបទទាក់ទង

សូមប្រុងប្រយ័ត្ន! រកឃើញ​ករណី Delta ចំនួន ១៦៤ ករណី​បន្ថែមទៀត ក្នុង៥រាជធានី-ខេត្ត

សូមប្រុងប្រយ័ត្ន! រកឃើញករណី Delta ចំនួន ១៦៤ ករណីបន្ថែមទៀត ក្នុង៥រាជធានី-ខេត្ត