×
ព័ត៌មានថ្មី

Stephen Chow ដល់ថ្នាក់​ឱ្យមេធាវី​ផ្ញើសំបុត្រ​ព្រមាន​បវរកញ្ញា​ហុងកុង Ukei Cheung ឱ្យលុបចោល​រូប​ដែលបង្កឱ្យ​មាន​ពាក្យ​ចចាម​អារ៉ាម

ហុងកុង៖ កាលពីខែមុន ពាក្យចចាមអារ៉ាមរវាង Stephen Chow និងបវរកញ្ញាហុងកុងវ័យ ១៧ឆ្នាំ Ukei Cheung បានផ្ទុះឡើងស្ទើរមិនគួរឱ្យជឿរហូតគ្រប់បណ្តាញសង្គមព័ត៌មានចុះផ្សាយព្រោងព្រាត។

ពាក្យចចាមអារ៉ាមទាំងនេះត្រូវបានជំនួយការស្តេចកំប្លែង Stephen ចេញមកបដិសេធច្បាស់ៗថា រវាង Stephen និង Ukei មិនមានទំនាក់ទំនងស្នេហាអ្វីឡើយ ហើយអ្នកទាំងពីរ ក៏មិនបានស្គាល់គ្នាជិតដិតអ្វីដែរ ហើយកាលទៅកម្សាន្តនៅសមុទ្រគឺមានគ្នាមួយចំនួនទៀតបានចូលរួម មិនមែនទៅតែពីរនាក់ឡើយ។

ទោះជាយ៉ាងណា ក៏បកស្រាយទាំងប៉ុន្មាននេះ ហាក់មិនបានធ្វើឱ្យព័ត៌មានស្ងប់ឡើយ ដោយមិនបង្អង់យូរតទៅទៀត Stephen បានឱ្យមេធាវីផ្ញើសំបុត្រទៅ Ukei ឱ្យលុបរូបដែលធ្វើឱ្យមហាជនយល់ច្រលំពីទំនាក់ទំនងអ្នកទាំងពីរចោលឱ្យអស់ ដែលនេះជាការព្រមានលើកទី១ ក្នុងករណីដែលនាងមិនលុបចោលទេ Stephen នឹងប្តឹងទាមទារសំណងគ្រប់កាក់គ្រប់សេនតាមផ្លូវច្បាប់ជាមិនខានឡើយ៕

អ្នកអាចចែករំលែកដោយ៖

អត្ថបទទាក់ទង