ផ្លឹស-ខេអេក ញូវ

អាល់កុលក្លែងក្លាយ ឬសារធាតុមេតាណុលប្រមាណជាង៦តោនទៀត ត្រូវបានមន្រ្តីជំនាញសាខាក.ប.ប.ខេត្តតាកែវ រកឃើញនិងដកហូត នៅស្រុកគីរីវង្ស

សង្គម
September 6th, 2021 (4 years)
Views: 165
Share

ខេត្តតាកែវ៖ នៅថ្ងៃទី០៦ ខែកញ្ញា ឆ្នាំ២០២១ កម្លាំងចម្រុះ បានចុះត្រួតពិនិត្យ និងឆែកឆេរឃ្លាំងស្តុកទំនិញមួយកន្លែង ដែលមានទីតាំងស្ថិតនៅក្នុងភូមិផ្សារ ឃុំភ្នំដិន ស្រុកគីរីវង្ស ខេត្តតាកែវ។

បន្ទាប់ពីបានត្រួតពិនិត្យ មន្រ្តីជំនាញបានរកឃើញសារធាតុមេតាណុល ចំនួន២៣០ប៊ីដុង ស្មើនឹង ៦.៩០០លីត្រ ដែលត្រូវបានស្តុកទុកដោយគ្មានលិខិតស្នាមអនុញ្ញាតពីស្ថាប័នពាក់ព័ន្ធ ចំពោះវត្ថុតាងទាំងអស់ ត្រូវបានដកហូតមករក្សាទុក ដើម្បីអនុវត្តនីតិវិធីបន្ត។

មន្រ្តីជំនាញសាខាក.ប.ប.ខេត្តតាកែវ បានបញ្ជាក់ថា កាលពីថ្ងៃទី០៥ ខែកញ្ញា ឆ្នាំ២០២១ មន្រ្តីជំនាញសាខា ក.ប.ប. ខេត្តតាកែវ ក៏បានចាប់ឃាត់ទុកសារធាតុមេតាណុលចំនួន៧១៤ ប៊ីដុង ស្មើនឹង ២១.៤២០លីត្រ នៅលើកំណាត់ផ្លូវជាតិលេខ២ ត្រង់ចំណុចឃុំភ្នំដិន ស្រុកគីរីវង្ស ខេត្តតាកែវ ខណៈដែលកំពុងត្រូវបានដឹកជញ្ជូនពីព្រំដែន ក្នុងបំណងយកមកចែកចាយនៅលើទីផ្សារប្រទេសកម្ពុជា៕

អត្ថបទទាក់ទង