×
ព័ត៌មានថ្មី

ឪពុកម្ដាយ​ព្រៃ.ផ្សៃ ខ្វេះ​ភ្នែក​កូនខ្លួនឯង បូជា​នៅក្នុង​ពិធី​មន្តអាគម​នៅ​ឥណ្ឌូណេស៊ី

ឥណ្ឌូណេស៊ី៖ អាជ្ញាធរនៅកោះខេត្តស៊ូឡាវីស៊ីភាគខាងត្បូង (South Sulawesi) បានជួយសង្គ្រោះកុមារីអាយុ ៦ឆ្នាំម្នាក់ ពីក្រុមគ្រួសារដ៏ព្រៃផ្សៃរបស់នាងដែលបានធ្វើមន្តអាគម និងអំពើស៊ីសាច់មនុស្ស។

ជនរងគ្រោះ ដែលត្រូវបានស្គាល់អត្តសញ្ញាណថា A.P កំពុងត្រូវបានព្យាបាលភ្នែកខាងស្តាំរបស់នាង។ យោងតាមរបាយការណ៍ ឪពុកម្ដាយ ជីតា និងពូរបស់នាង បានព្យាយាមខ្វេះភ្នែករបស់នាង ដើម្បីបូជាដែលពួកគេជឿថា នឹងនាំមកនូវទ្រព្យសម្បត្តិហូរហៀរ។

អាជ្ញាធរ បានសង្ស័យលើគ្រួសារនេះ កាលពីថ្ងៃពុធសប្តាហ៍មុន ក្នុងពិធីបុណ្យសពបងស្រីរបស់ AP ដែលមានអាយុ ២២ ឆ្នាំ ដែលបានស្លាប់ បន្ទាប់ពីគ្រួសាររបស់នាង បានបង្ខំនាងឱ្យផឹកទឹកអំបិល ២ លីត្រ ក្នុងពិធីសាសនាផ្សេងទៀត។

កុមារី AP កំពុងត្រូវបានព្យាបាលនៅមន្ទីរពេទ្យក្នុងស្រុកមួយ បន្ទាប់ពីការជួយសង្គ្រោះ ដោយមិនទាន់មានសេចក្តីរាយការណ៍ថា តើភ្នែកស្តាំរបស់នាង អាចជាសះស្បើយពេញលេញ ឬយ៉ាងណានោះទេ។ ព័ត៌មានលម្អិតអំពីពិធីនេះ បញ្ជាក់ថា ម្តាយរបស់ជនរងគ្រោះ បានស៊ីសាច់របស់នាងថែមទៀតផង។

ក្នុងចំណោមជនដៃដល់ទាំងបួននាក់ ជីតា និងពូរបស់កុមារី AP ត្រូវបានឃុំឃាំង ដើម្បីពួកគេរង់ចាំការចោទប្រកាន់។ ទន្ទឹមនឹងនេះ ឪពុកម្ដាយរបស់នាង ត្រូវបញ្ជូនទៅផ្នែកចិត្តសាស្រ្ត ដើម្បីវាយតម្លៃ មុនដំណើរការបទឧក្រិដ្ឋអាចចាប់ផ្ដើមបាន៕

(ទស្សនាវីដេអូ)

អ្នកអាចចែករំលែកដោយ៖

អត្ថបទទាក់ទង