ចិន៖ រូបសំណាកកំពូលមេទ័ព៣ជំនាន់ ក័ងអ៊ី កម្ពស់ ៥៨ម៉ែត្រ ដែលបានសង់ឡើងនៅឧទ្យានក័នកុង ខេត្ត ជីងចូវ ប្រទេសចិន បានចំណាយថវិកាអស់ ២៦លានដុល្លារឯណោះ និងបានសាងសង់ឡើងកាលពីឆ្នាំ២០១៦។ ដើមឡើយ រូបសំណាកនេះ គឺជាការសាងសង់ខុសច្បាប់ ដោយសារទីតាំងនៅក្នុងតំបន់នោះ បានធ្វើការហាមឃាត់មិនឱ្យសង់រូបសំណាកដែលមានកម្ពស់លើសពី ២៤ម៉ែត្រឡើយ។
ការសង់រូបសំណាកដ៏ធំមហាសាលនេះ បានធ្វើឱ្យអ្នកស្រុកខ្លះពេញចិត្ត និងអ្នកមិនពេញចិត្ត ដូចនេះ ក្រសួងលំនៅឋាន និងអភិវឌ្ឍន៍ជនបទ បានធ្វើការផ្លាស់ប្តូររូបសំណាកមួយនេះទៅទីតាំងផ្សេងដែលមានចម្ងាយ ៥គីឡូម៉ែត្រពីទីតាំងចាស់ និងបានចំណាយប្រាក់អស់ ២០លានដុល្លារបន្ថែមទៀតក្នុងការប្តូរទៅទីតាំងថ្មី៕