×

រថយន្ត​លិចទឹក​នៅ​អាមេរិក នឹងអាច​ហូរចូល​ទៅកាន់​ទីផ្សារ​លក់ឡាន​មួយទឹក

សហរដ្ឋអាមេរិក៖ អ្នកជំនាញអាមេរិក បានផ្ដល់ដំបូន្មានថា អ្នកណាដែលគិតគូរពីការទិញរថយន្តប្រើក្នុងពេលប៉ុន្មានខែខាងមុខនេះ ប្រហែលជាត្រូវមានការប្រុងប្រយ័ត្នបន្ថែមទៀត។ រថយន្តរាប់ពាន់គ្រឿង ត្រូវបានបំផ្លិចបំផ្លាញ ដោយសារទឹកជំនន់បង្កឡើងដោយសារព្យុះសង្ឃរា អ៊ីដា (Ida) នៅសហរដ្ឋអាមេរិក។

រថយន្តដែលមានការខូចខាតដោយសារទឹកជំនន់ ទំនងជាត្រូវលក់ទៅកាន់អតិថិជនដែលមិនបានដឹង។ លោក Tully Lehman អ្នកគ្រប់គ្រងកិច្ចការសាធារណៈនៃការិយាល័យឧក្រិដ្ឋកម្មធានារ៉ាប់រងជាតិអាមេរិក បានឱ្យដឹងថា៖ “ ជាអកុសល បន្ទាប់ពីព្យុះសង្ឃរាធំៗ ឬព្រឹត្តិការណ៍ទឹកជំនន់ យើងឃើញជនឆបោក ព្យាយាមបោកប្រាស់អ្នកប្រើប្រាស់ ដោយលក់រថយន្តដែលខូចខាតដោយសារទឹកជំនន់។”

អ្នកទិញគួរតែពិនិត្យមើលប្រវត្តិយានយន្តមួយទឹក។ រថយន្តដែលលិចទឹក តែងតែត្រូវបានលក់នៅទីកន្លែងដែលឆ្ងាយពីកន្លែងដែលពួកវាបានខូចខាត។

យោងតាមអ្នកនាំពាក្យក្រុមហ៊ុន Carfax នៅអាមេរិក លោក Chris Basso បានឱ្យដឹងថា រថយន្តដែលរងការខូចខាតដោយទឹកជំនន់ប្រមាណ ៣៧៨.០០០ គ្រឿង កំពុងចរាចរណ៍តាមដងផ្លូវ មុនព្យុះអ៊ីដា បានមកដល់ទៅទៀត។

ទឹកជំនន់អាចបំផ្លាញប្រ័ពន្ធអេឡិចត្រូនិច ប្រេងរំអិល និងប្រព័ន្ធមេកានិច នៅក្នុងយានយន្ត។ នេះយោងតាមរបាយការណ៍របស់ ConsumerReports។

សូមជម្រាបថា ព្យុះអ៊ីដា បានបក់បោកចូលរដ្ឋ Louisiana កាលពីថ្ងៃទី២៩ ខែសីហា ហើយបានឆ្លងកាត់ភាគឦសានសហរដ្ឋអាមេរិក៕

 

ប្រភព៖ CNBC

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika