ព័ត៌មានថ្មី
- សាន់តា សូមទោស និងសូមការអភ័យចំពោះរូបភាពមិនសមរម្យ
- អ្នកគាំទ្រកំពុងសង្ស័យទំនាក់ទំនង វ៉ាន់ ដេវីត និងហេង បូនីកា ខណៈហ្វេសបុកតារាប្រុសរូបនេះដាក់មានទំនាក់ទំនងស្នេហាជាមួយស្រីស្អាតម្នាក់រួចហើយ
- ក្តៅខ្លាំងពេក សាលារដ្ឋចំនួន ៧,០០០ សាលានៅហ្វីលីពីន ឱ្យសិស្សរៀនតាមអនឡាញ
- គណៈកម្មការទី៣ របស់ MasterChef Cambodia នឹងត្រូវបង្ហាញក្នុងពេលឆាប់ៗនេះ
- កម្មវិធីការសម្ដែងគុនសាវលីញ និងគុនល្បុក្កតោនៅអង្គរ ប្រព្រឹត្តទៅដោយជោគជ័យនាព្រឹកថ្ងៃទី២៤មេសា
ព្យុះ ខុនសុន បង្កឱ្យមានភ្លៀងធ្លាក់យ៉ាងខ្លាំង និងទឹកជំនន់នៅភាគកណ្តាលប្រទេសវៀតណាម
- សង្គម
- September 13th, 2021 (3 years)
វៀតណាម៖ ព្យុះត្រូពិកខុនសុន (Conson) ដែលជាព្យុះទី៥ បានវាយប្រហារប្រទេសវៀតណាម និងបង្កឱ្យមានភ្លៀងធ្លាក់យ៉ាងខ្លាំង បណ្ដាលឱ្យមានការជន់លិចយ៉ាងធ្ងន់ធ្ងរនៅក្នុងតំបន់ភាគកណ្តាលប្រទេស។
នៅទីក្រុងដាណាំង ទឹកភ្លៀងត្រូវបានវាស់នៅ ២០០-៣០០ មីល្លីម៉ែត្រ កាលពីថ្ងៃសៅរ៍ ដោយមានភ្លៀងធ្លាក់ខ្លាំងបំផុត ដែលបានកត់ត្រានៅក្នុងតំបន់ទីប្រជុំជន។
នៅខេត្តក្វាងណាំ ទឹកជំនន់ មានសភាពធ្ងន់ធ្ងរបំផុត ខណៈតំបន់នេះ បានទទួលរងកម្រិតទឹកភ្លៀងយ៉ាងខ្លាំងចាប់តាំងពីថ្ងៃសុក្រ សប្ដាហ៍មុន។
ផ្ទះនិងផ្លូវជាច្រើន ត្រូវបានលិច ខណៈប្រជាជនរាប់ម៉ឺននាក់ ដែលរងផលប៉ះពាល់ត្រូវបានជម្លៀសទៅកាន់ទីកន្លែងមានសុវត្ថិភាព។
អាជ្ញាធរខេត្តក្វាងណាំ បានអនុញ្ញាតឱ្យសិស្សទាំងអស់ ស្នាក់នៅផ្ទះ ចាប់ពីថ្ងៃសៅរ៍ និងបានជម្លៀសប្រជាជនរាប់ពាន់នាក់ នៅតំបន់ភ្នំ ខណៈភ្លៀង អាចបង្កជាហានិភ័យខ្ពស់នៃគ្រោះទឹកជំនន់ និងការបាក់ដី។
នៅទីក្រុង ធូទាន (Thua Thien) ខេត្តហឺ (Hue) អាជ្ញាធរបានជម្លៀសប្រជាជនប្រហែល ១៧.០០០ នាក់ នៅយប់ថ្ងៃសៅរ៍៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
