ផ្លឹស-ខេអេក ញូវ

ភ្លើងឆេះព្រៃ កំពុងគំរាមកំហែងផ្ទះជាច្រើនខ្នង និងប្រជាជនរាប់ពាន់នាក់ នៅអេស្ប៉ាញ

សង្គម
September 13th, 2021 (4 years)
Views: 352
Share

អេស្ប៉ាញ៖ ប្រជាពលរដ្ឋអេស្ប៉ាញ បានរត់គេចពីភ្លើងឆេះព្រៃ ពីផ្ទះរបស់ពួកគេ នៅក្នុងទីប្រជុំជន និងភូមិមួយចំនួន ខណៈរដ្ឋាភិបាលអេស្ប៉ាញ បានបញ្ជូនយោធា ដើម្បីជួយទប់ទល់នឹងភ្លើងឆេះព្រៃ ដែលកំពុងឆាបឆេះនៅជិតរមណីយដ្ឋាន Costa del Sol ។

ភ្លើងបានឆាបឆេះ ដោយសារខ្យល់បក់យ៉ាងខ្លាំង បានបង្ខំឱ្យមនុស្សជិត ២០០០ នាក់ ចាកចេញពីលំនៅឋាន និងបានសម្លាប់អ្នកសង្គ្រោះបន្ទាន់ម្នាក់ ចាប់តាំងពីភ្លើង បានចាប់ផ្តើមកាលពីថ្ងៃពុធសប្ដាហ៍មុន នៅលើភ្នំ Sierra Bermeja ។

ផ្សែងខ្មួលខ្មាញ់ ត្រូវបានមើលឃើញពីចម្ងាយ។ វីដេអូ បានបង្ហាញថា អ្នកពន្លត់អគ្គីភ័យកំពុងព្យាយាមទប់ស្កាត់អណ្តាតភ្លើង នៅតំបន់ស្ងួតហួតហែង។

ក្រុមជួយសង្គ្រោះបន្ទាន់ បានធានាថា មនុស្សទាំងអស់ បានចាកចេញពីទីប្រជុំជន និងភូមិមួយចំនួន កាលពីថ្ងៃអាទិត្យ នៅលើភ្នំដែលភ្លើងកំពុងឆាបឆេះចំពេលមានអាកាសធាតុក្តៅនៅចុងរដូវក្តៅនេះ។ សហគមន៍ចំនួន ៥ ផ្សេងទៀតត្រូវបានជម្លៀសចេញមុននេះ កាលពីថ្ងៃសុក្រសប្ដាហ៍មុន។

ទីភ្នាក់ងារពន្លត់អគ្គីភ័យ បានប្រាប់ថា អគ្គិភ័យនេះ ខុសប្លែកពីរាល់ដង ហើយកំពុងរាលដាលឆ្ពោះទៅទិសដៅជាច្រើន។

នាយករដ្ឋមន្រ្តីអេស្ប៉ាញ លោក Pedro Sánchez បានប្រកាសពីការដាក់ពង្រាយអង្គភាពសង្គ្រោះបន្ទាន់យោធា ដើម្បីជួយដោះស្រាយគ្រោះអគ្គិភ័យនេះ។

ក្រសួងបរិស្ថានអេស្ប៉ាញបាននិយាយនៅក្នុងសេចក្តីថ្លែងការណ៍មួយថា ភ្លើងបានគ្របដណ្តប់លើផ្ទៃដីជាង ៦.០០០ ហិកតា ដោយយោងតាមទិន្នន័យបណ្តោះអាសន្នពីផ្កាយរណប Copernicus របស់គណៈកម្មការអឺរ៉ុប។

ទីភ្នាក់ងារពន្លត់អគ្គីភ័យប្រចាំតំបន់ បានឱ្យដឹងថា អ្នកពន្លត់អគ្គីភ័យចំនួន ៣៦៥ នាក់កំពុងជួយពន្លត់ភ្លើងនេះ ដោយមានការគាំទ្រពីយន្តហោះ ៤១ គ្រឿងនិងរថយន្តពន្លត់ ២៥គ្រឿង។ ចំពោះមូលហេតុដែលបង្កឱ្យមានភ្លើងឆេះនេះ កំពុងស្ថិតក្រោមការស៊ើបអង្កេតនៅឡើយ៕

អត្ថបទទាក់ទង

ភ្លើងឆេះព្រៃ កំពុង​គំរាមកំហែង​ផ្ទះ​ជាច្រើនខ្នង និង​ប្រជាជន​រាប់ពាន់នាក់ នៅ​អេស្ប៉ាញ

ភ្លើងឆេះព្រៃ កំពុងគំរាមកំហែងផ្ទះជាច្រើនខ្នង និងប្រជាជនរាប់ពាន់នាក់ នៅអេស្ប៉ាញ