ផ្លឹស-ខេអេក ញូវ

គ្រាន់តែតម្លៃសណ្ឋាគារដែល Rose ស្នាក់នៅក្នុងមួយយប់មានតម្លៃខ្ទង់ម៉ឺនដុល្លារ

កម្សាន្ត
September 14th, 2021 (3 years)
Views: 254
Share

កូរ៉េខាងត្បូង៖ កាលពីប៉ុន្មានថ្ងៃមុន Rose បានបង្ហាញរូបថតមួយចំនួនរបស់នាង ដែលបានថតពេលកំពុងវិស្សមកាលនៅសណ្ឋាគារមួយ ក្នុងប្រទេសយ៉ាងមានក្តីសុខ ក្រោយហត់នឿយពីការងារសិល្បៈអស់រយៈពេលជាយូរមកនេះ។

Rose បានថតជ្រុងមួយចំនួនក្នុងបន្ទប់គេងនៅសណ្ឋាគារ ព្រមទាំងទេសភាពនៅអាងហែលទឹកដោយនាងក៏បាន ធ្វើការ Mention ឈ្មោះសណ្ឋាគារនោះផងដែរ។ មិនបង្អង់យូរ អ្នកគាំទ្ររបស់ Rose បាននាំគ្នាចូលស្រាវជ្រាវឃើញថា សណ្ឋាគារដែល Rose បានចំណាយពេលវិស្សមកាលនេះមានតម្លៃថ្លៃកប់ពពករហូតដល់ ១៧.០៣៣ដុល្លារឯណោះក្នុងមួយយប់។

លក្ខណៈពិសេសរបស់សណ្ឋាគារមួយនេះ នឹងរៀបចំកន្លែងសម្រាប់ភ្ញៀវស្នាក់នៅបែបឯកជនដោយផ្តល់អ្នកចាំបម្រើការងារគ្រប់យ៉ាងជាលក្ខណៈផ្ទាល់ខ្លួន មិនថាច្រកចេញចូល ជណ្តើរយន្ត កន្លែងចតរថយន្ត គឺសុទ្ធសឹងបែបផ្ទាល់ខ្លួនទាំងអស់ គ្មានផលរំខានពីមនុស្សខាងក្រៅឡើយ។ ប៉ុន្តែច្បាប់សណ្ឋាគារ គឺហាមមិនឱ្យភ្ញៀវផ្តល់ព័ត៌មានអ្វីទាំងអស់ទាក់ទងនឹងទីតាំងវីឡាបែបឯកជនក្នុងសណ្ឋាគារនោះឡើយ។

គួរបញ្ជាក់ដែរថា សណ្ឋាគារដែលមានតម្លៃខ្ទង់ម៉ឺនដុល្លារក្នុងមួយយប់នេះ ឃើញមានវត្តមានសុទ្ធសឹងតារាលំដាប់កំពូលចូលទៅស្នាក់នៅនៅថ្ងៃវិស្សមកាលរបស់ពួកគេផងដែរ៕

អត្ថបទទាក់ទង

គ្រាន់តែ​តម្លៃសណ្ឋាគារ​ដែល Rose ស្នាក់នៅ​ក្នុង​មួយយប់​មាន​តម្លៃខ្ទង់​ម៉ឺនដុល្លារ

គ្រាន់តែតម្លៃសណ្ឋាគារដែល Rose ស្នាក់នៅក្នុងមួយយប់មានតម្លៃខ្ទង់ម៉ឺនដុល្លារ