ផ្លឹស-ខេអេក ញូវ

លោកស្រី ឱ វណ្ណឌីន ណែនាំដល់ក្រុមគ្រូពេទ្យយកវ៉ាក់សាំងចាក់ជូនពលរដ្ឋនៅតាមផ្ទះ ដែលពិបាកធ្វើដំណើរ

សង្គម
September 16th, 2021 (4 years)
Views: 376
Share

កោះកុង៖ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ នៅថ្ងៃទី១៥ ខែកញ្ញា ឆ្នាំ២០២១ បានណែនាំដល់ក្រុមគ្រូពេទ្យ ត្រូវនាំយកវ៉ាក់សាំងការពារជំងឺកូវីដ១៩ ទៅចាក់ជូនប្រជាពលរដ្ឋតាមខ្នងផ្ទះណា ដែលពិបាកធ្វើដំណើរ ដើម្បីមកទីតាំងចាក់វ៉ាក់សាំងចល័ត ដែលអាជ្ញាធរខេត្ដបានរៀបចំ។

លោកស្រីបានថ្លែងដូច្នេះថា៖ “យើងតែងតែណែនាំ និងជំរុញទៅដល់រដ្ឋបាលខេត្ដថ្នាក់ក្រោមជាតិរបស់យើង ជាពិសេសអភិបាលខេត្ដ ធ្វើសម្រង់ស្ថិតិប្រជាពលរដ្ឋដែលបានចាក់វ៉ាក់សាំងហើយ និងមិនទាន់បានចាក់ ឱ្យបានច្បាស់លាស់ ដើម្បីឱ្យដឹងថា នៅសល់ប្រជាពលរដ្ឋប៉ុន្មាននាក់ទៀត ដែលមិនទាន់បានចាក់ ហើយក៏ត្រូវដឹងពីស្ថានភាពរបស់គាត់ អ្នកខ្លះមិនអាចចាក់បានដោយសារស្ថានភាពសុខភាពរបស់គាត់ តែមួយចំនួនទៀតអាចទទួលយកបាន តែដោយសារកត្ដាផ្សេងៗ គាត់មិនអាចធ្វើដំណើរមកបាន ដូចជាផ្ទះគាត់ឆ្ងាយពេក ឬខ្វះមធ្យោបាយធ្វើដំណើរជាដើម។”

ការថ្លែងដូច្នេះរបស់លោកស្រី ឱ វណ្ណឌីន បន្ទាប់ពីបិទបញ្ចប់យុទ្ធនាការចាក់វ៉ាក់សាំងការពារជំងឺកូវីដ១៩ ជុំទី១ ទូទាំងខេត្តកោះកុង ដែលបានប្រារព្ធពិធីនៅមន្ទីរសុខាភិបាល ខេត្តកោះកុង៕

អត្ថបទទាក់ទង

លោកស្រី ឱ វណ្ណឌីន ណែនាំ​ដល់​ក្រុមគ្រូពេទ្យ​យក​វ៉ាក់សាំង​ចាក់ជូន​ពលរដ្ឋ​នៅ​តាមផ្ទះ ដែលពិបាក​ធ្វើដំណើរ

លោកស្រី ឱ វណ្ណឌីន ណែនាំដល់ក្រុមគ្រូពេទ្យយកវ៉ាក់សាំងចាក់ជូនពលរដ្ឋនៅតាមផ្ទះ ដែលពិបាកធ្វើដំណើរ