ផ្លឹស-ខេអេក ញូវ

ជប៉ុន ផ្ដល់ម៉ូតូ៤០០គ្រឿង ជូនកម្ពុជាសម្រាប់ការឆ្លើយតបនឹងកូវីដ១៩

សង្គម
September 16th, 2021 (3 years)
Views: 210
Share

ភ្នំពេញ៖ នាព្រឹកថ្ងៃទី១៥ ខែកញ្ញា ឆ្នាំ២០២១ ពិធីប្រគល់-ទទួលម៉ូតូចំនួន ៤០០ គ្រឿង ត្រូវបានប្រារព្វឡើង នៅឃ្លាំងឱសថកណ្តាលនៃក្រសួងសុខាភិបាល ក្រោមវត្តមានរបស់ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និង លោកស្រី កាមេយ ហារូកុ ប្រធានតំណាងការិយាល័យ JICA ប្រចាំនៅកម្ពុជា។

ដើម្បីរួមចំណែកក្នុងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩ ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានប្រគល់ម៉ូតូចំនួន ៤០០ គ្រឿង ជូនក្រសួងសុខាភិបាល តាមរយៈ “គម្រោងពង្រឹងសមត្ថភាពឆ្លើយតបនឹងជំងឺកូវីដ១៩ក្នុងប្រទេសកម្ពុជា” ដែលម៉ូតូទាំងអស់នោះ នឹងត្រូវបានប្រើប្រាស់ដើម្បីពង្រឹងប្រព័ន្ធចែកចាយវ៉ាក់សាំងការពារជំងឺកូវីដ១៩ និងយុទ្ធនាការចាក់វ៉ាក់សាំងដោយកម្មវិធីជាតិផ្តល់ថ្នាំបង្ការនៃក្រសួងសុខាភិបាល។

ទីភ្នាក់ងារ JICA នឹងបន្តសហការជាមួយក្រសួងសុខាភិបាលដើម្បីផ្តល់នូវឧបករណ៍ និងការគាំទ្រផ្នែកបច្ចេកទេសចាំបាច់ផ្សេងៗទៀតក្នុងអំឡុងពេលដ៏លំបាកនៃជំងឺរាតត្បាតនេះ៕

អត្ថបទទាក់ទង

ជប៉ុន ផ្ដល់​​ម៉ូតូ​៤០០គ្រឿង ជូនកម្ពុជា​សម្រាប់​ការឆ្លើយតប​នឹង​កូវីដ១៩

ជប៉ុន ផ្ដល់ម៉ូតូ៤០០គ្រឿង ជូនកម្ពុជាសម្រាប់ការឆ្លើយតបនឹងកូវីដ១៩