ថៃ៖ កាលពីថ្ងៃទី១៦ ខែកញ្ញា ម្សិលមិញនេះ តារាសម្តែងភេទទី៣ Tina Supanat បានធ្វើឱ្យសិល្បករ និងអ្នកគាំទ្រស្ទើរស្រឡាំងកាំងក្រោយនាងបានចែករំលែករូបថតមួយចំនួនក្នុងឈុតរ៉ូបកូនក្រមុំមួយដ៏ស្រស់ស្អាត រហូតដល់ម្នាក់ៗចូលទៅខមមិនចម្អន់នាងលេងសើចជាច្រើននាក់ទៀតផង។
មនុស្សជាច្រើនបាននាំគ្នានិយាយថា មិននឹកស្មានថាបានឃើញនាងស្លៀកឈុតកូនក្រមុំបែបនេះឡើយ។ ក្រោយឃើញមនុស្សជាច្រើនចម្ងន់លេងបែបនេះហើយ Tina Supanat ក៏បានឆ្លើយតបវិញថា នេះជាលើកទីមួយ ហើយវាក៏ជាលើកចុងក្រោយដែរ។
ទោះជារូបរាងបានគ្រងឈុតកូនក្រមុំក៏ពិតមែន ប៉ុន្តែនាងមិនបានតុបតែងមុខ ឬសក់ឱ្យបានពេញលេញឡើយ។ ត្រឹមប៉ុណ្ណេះ Tina Supanat មានអារម្មណ៍ថាអៀនខ្លាំងណាស់ទៅហើយ ព្រោះនាងមិនធ្លាប់ស្លៀកពាក់បែបនេះពីមុនមកឡើយ៕