ផ្លឹស-ខេអេក ញូវ

បុគ្គលិកពេទ្យនៅវៀតណាម មានរោគសញ្ញាកូវីដ១៩ស្រាល ត្រូវបន្តឱ្យធ្វើការនៅកន្លែង

សង្គម
September 18th, 2021 (3 years)
Views: 251
Share

វៀតណាម៖ អាជ្ញាធរនៅខេត្តដុងណៃ ភាគខាងត្បូងប្រទេសវៀតណាម បានតម្រូវឱ្យបុគ្គលិកពេទ្យដែលឆ្លងមេរោគកូវីដ១៩ បន្តព្យាបាលអ្នកជំងឺកូវីដ១៩ក្នុងមន្ទីរពេទ្យ។

ខណៈមនុស្សទាំងអស់ដែលឆ្លងជំងឺកូវីដ១៩ ត្រូវបានគេដាក់ឱ្យនៅដាច់ដោយឡែក និងព្យាបាលតាមការណែនាំរបស់ក្រសួងសុខាភិបាល ប៉ុន្តែវាមិនត្រូវបានអនុវត្តសម្រាប់បុគ្គលិកពេទ្យដែលឆ្លងមេរោគកូវីដមានកម្រិតស្រាល ឬគ្មានរោគសញ្ញា នៅឯមន្ទីរពេទ្យក្នុងខេត្តដុងណៃនោះទេ។

ប៉ុន្តែពួកគេ ត្រូវនៅដាច់ដោយឡែកពីគេបុគ្គលិកពេទ្យដទៃទៀត និងអាចចូលរួមក្នុងការព្យាបាលអ្នកជំងឺកូវីដ១៩ នៅមន្ទីរពេទ្យ។

សេចក្តីរាយការណ៍ថា បុគ្គលិកពេទ្យចំនួន ៤២ នាក់នៅមន្ទីរពេទ្យដុងណៃ បានធ្វើតេស្តវិជ្ជមានចំពោះជំងឺកូវីដ១៩។ ពួកគេមួយចំនួន បានស្ម័គ្រចិត្តចូលរួមក្នុងការព្យាបាលអ្នកជំងឺ។

ខេត្តដុងណៃ បានកត់ត្រាការឆ្លងក្នុងសហគមន៍ចំនួន ៣៨.០៨១ ករណីចាប់តាំងពីរលកនៃរលកទី ៤ បានកើតឡើងនៅថ្ងៃទី២៧ ខែមេសា ដែលធ្វើឱ្យវាក្លាយជាតំបន់ដែលរងគ្រោះខ្លាំងទី៣ នៅវៀតណាម បន្ទាប់ពីទីក្រុងហូជីមិញ និងខេត្តប៊ិញឌឿង។

ប្រទេសវៀតណាម បានរាយការណ៍ពីអ្នកជំងឺចំនួន ៦៦៧.៦៥០ នាក់រួមទាំងការជាសះស្បើយចំនួន ៤៣៣.៤៦៥ នាក់ និងការស្លាប់ចំនួន ១៦.៦៣៧ នាក់ចាប់តាំងពីការរីករាលដាលនៃជំងឺកូវីដ១៩ បានផ្ទុះឡើងដំបូងកាលពីដើមឆ្នាំមុន៕

អត្ថបទទាក់ទង

បុគ្គលិក​ពេទ្យ​នៅ​វៀតណាម មានរោគសញ្ញា​កូវីដ១៩​ស្រាល ត្រូវបន្ត​ឱ្យធ្វើការ​នៅ​កន្លែង

បុគ្គលិកពេទ្យនៅវៀតណាម មានរោគសញ្ញាកូវីដ១៩ស្រាល ត្រូវបន្តឱ្យធ្វើការនៅកន្លែង