ផ្លឹស-ខេអេក ញូវ

តោះ! ចូលស្តាប់អូនណាណា ឆ្លើយតបសំនួរដែលអ្នកគាំទ្រឆ្ងល់ថាហេតុអ្វីត្រូវសរសេរភាសាជាតិនៅមុខភាសាដទៃ

កម្សាន្ត
September 18th, 2021 (4 years)
Views: 287
Share

អូនណាណា ដែលជាតារាបណ្តាញសង្គមវ័យក្មេងកំពុងទទួលបានការចាប់អារម្មណ៍ខ្លាំង បានចេញមុខឆ្លើយតបនឹងសំនួរដែលអ្នកគាំទ្រមួយចំនួនឆ្ងល់ថា ហេតុអ្វីក៏សរសេរឈ្មោះផេកជាភាសាខ្មែរនៅពីមុខ និងភាសាអង់គ្លេសនៅពីក្រោយអុីចឹង ព្រោះមើលទៅមិនស្តង់ដា និងមិនឡូយ។

ចំពោះសំនួរមួយនេះ អូនណាណា បានបកស្រាយថា ដោយសារនាងជាកូនខ្មែរ ដូចនេះប្រសិនយើងមិនលើកស្ទួយភាសាជាតិរបស់ខ្លួន តើឱ្យអ្នកណាជាអ្នកមកលើកស្ទួយនោះ?

មិនត្រឹមតែប៉ុណ្ណោះ អូនណាណា ក៏បានបន្ថែមទៀតថា ការសរសេរអក្សរនៅលើកបណ្តាញសង្គមក៏ដូចគ្នា ព្រោះអ្នកមួយចំនួនបានសរសេរអក្សរឡាតាំងជាសំនៀងខ្មែរធ្វើឱ្យមើលទៅខ្មែរមិនចំខ្មែរ អង់គ្លេសមិនចំអង់គ្លេសពិបាកយល់ណាស់។

គួរបញ្ជាក់ដែរថា អូនណាណា ធ្លាប់ទទួលបានប្រជាប្រិយខ្លាំងនូវវីដេអូនិយាយពាក់ព័ន្ធនឹងអ្នកភ័យខ្លាចមិនហ៊ានទៅទទួលចាក់វ៉ាក់សាំងការពារវីរុសកូវីដ១៩កន្លងទៅរហូតផេកបណ្តាញសង្គមផ្លូវការរបស់សម្តេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាយកទៅចែករំលែកតផងដែរ៕

(ទស្សនាវីដេអូ)

អត្ថបទទាក់ទង