ផ្លឹស-ខេអេក ញូវ

មន្ត្រីថៃ ថា គម្រោងបើកក្រុងបាងកក និងខេត្ត៤ទៀត គ្មានកាលបរិច្ឆេទជាក់លាក់នៅឡើយទេ

សង្គម
September 19th, 2021 (3 years)
Views: 145
Share

ថៃ៖ ខណៈពេលមានរបាយការណ៍ជាច្រើន ស្តីពីកាលបរិច្ឆេទបើកដំណើរការឡើងវិញនៅថ្ងៃដើមខែតុលានេះ សម្រាប់រាជធានី ខេត្តចំនួន ៥ ដែលភាគច្រើនបានដកស្រង់សម្តីរដ្ឋមន្ត្រីក្រសួងទេសចរណ៍ អ្នកនាំពាក្យមជ្ឈមណ្ឌលគ្រប់គ្រងស្ថានការណ៍កូវីដ១៩ និយាយថា គ្មានអ្វីត្រូវបានអនុម័តនៅឡើយទេ។ គ្មានកាលបរិច្ឆេទស្តីពីការបើកដំណើរការឡើងវិញត្រូវបានប្រកាសជាផ្លូវការទេ។

លោក Natapanu Nopakun អ្នកនាំពាក្យមជ្ឈមណ្ឌលគ្រប់គ្រងស្ថានការណ៍កូវីដ១៩ថៃ បានឱ្យដឹងថា វិធានការបច្ចុប្បន្ន សម្រាប់ការតម្រូវឱ្យធ្វើចត្តាឡីស័ក ១៤ថ្ងៃនៅក្នុងរាជធានី ខេត្តចំនួន ៥ នៅតែអនុវត្តសម្រាប់ការមកដល់របស់ភ្ញៀវអន្តរជាតិ។ កោះភូកេត និងកោះសាមុយ គឺជាតំបន់ដែលបានលើកលែងការធ្វើចត្តាឡីស័កសម្រាប់អ្នកដំណើរដែលបានចាក់វ៉ាក់សាំងពេញលេញ ចូលទៅកាន់ប្រទេសថៃ។ កោះទាំងពីរបានបើកដំណើរការឡើងវិញ កាលពីខែកក្កដា។

លោក Natapanu បន្តថា ខេត្តនានាដែលត្រូវបានរៀបចំដើម្បីបើកឡើងវិញនៅតែត្រូវការឆ្លងកាត់ការវាយតម្លៃជាច្រើន ដោយរដ្ឋាភិបាលមុននឹងអនុញ្ញាតដោយគ្មានការធ្វើចត្តាឡីស័ក។ អ្នកនាំពាក្យរូបនេះបានបន្ថែមថា មជ្ឈមណ្ឌលគ្រប់គ្រងស្ថានការណ៍កូវីដ១៩ថៃនឹងមានកិច្ចប្រជុំ នៅប៉ុន្មានសប្តាហ៍ខាងមុខនេះ ដើម្បីពិភាក្សាពីការបើកដំណើរការក្រុងបាងកក និងខេត្តទាំង៤ នាពេលអនាគត។ កិច្ចប្រជុំនេះ នឹងត្រូវបានដឹកនាំដោយនាយករដ្ឋមន្ត្រី ប្រាយុទ្ធ ចាន់អូចា៕

អត្ថបទទាក់ទង

មន្ត្រីថៃ ថា គម្រោង​បើក​ក្រុងបាងកក និង​ខេត្ត៤ទៀត គ្មាន​កាលបរិច្ឆេទ​ជាក់លាក់​នៅឡើយទេ

មន្ត្រីថៃ ថា គម្រោងបើកក្រុងបាងកក និងខេត្ត៤ទៀត គ្មានកាលបរិច្ឆេទជាក់លាក់នៅឡើយទេ