ផ្លឹស-ខេអេក ញូវ

ចិន រឹតបន្តឹងការនាំចូលពីវៀតណាមបន្ថែមទៀត ដោយសាររកឃើញកូវីដ១៩លើទំនិញ

សង្គម
September 20th, 2021 (3 years)
Views: 291
Share

វៀតណាម៖ នាយកដ្ឋានគយ នៃច្រកព្រំដែនម៉ុងកៃ (Mong Cai) ប្រទេសវៀតណាម បាននិយាយកាលពីថ្ងៃសៅរ៍ ថា រថយន្តដឹកទំនិញវៀតណាមជាង ២០០ គ្រឿង ដែលដឹកទំនិញសម្រាប់នាំចេញទៅកាន់ប្រទេសចិន ត្រូវបានជាប់គាំងនៅព្រំដែនចិន ដោយសារតែការរឹតត្បិតដើម្បីការពារការរីករាលដាលកូវីដ១៩។

ជាធម្មតា ស្ពានបណ្ដែតទឹកដែលជាច្រកនាំចេញទំនិញពីវៀតណាម ទៅប្រទេសចិន ត្រូវបានបើកឱ្យរថយន្តដឹកទំនិញប្រមាណ ៨០ គ្រឿងឆ្លងកាត់ជារៀងរាល់ថ្ងៃ ប៉ុន្តែមានតែ ២០-៣០ គ្រឿងប៉ុណ្ណោះនាពេលបច្ចុប្បន្ន។

តំណាងនាយកដ្ឋានម្នាក់ បាននិយាយថា ប្រទេសចិនកំពុងរឹតបន្តឹងនីតិវិធីត្រួតពិនិត្យយានយន្ត ដែលដឹកទំនិញពីវៀតណាម ដើម្បីជាវិធានការការពារការឆ្លងមេរោគកូវីដ១៩ ដែលបង្កឱ្យការនាំចេញទំនិញរបស់វៀតណាម រងផលប៉ះពាល់យ៉ាងខ្លាំង។

ជាលទ្ធផល រថយន្តជាង ២០០ គ្រឿងដែលដឹកកសិផល និងអាហារសមុទ្រពីវៀតណាម មិនអាចឆ្លងកាត់ស្ពានបណ្តែតទឹកបានទេ។

ប្រទេសចិន ដែលជាទីផ្សារនាំចេញធំទី២ របស់វៀតណាមបន្ទាប់ពីសហរដ្ឋអាមេរិក បានរឹតបន្តឹងការនាំចូលផលិតផលវៀតណាម ក្នុងរយៈពេលប៉ុន្មានខែចុងក្រោយនេះ ដោយសារតែប្រទេសវៀតណាម កំពុងប្រឈមនឹងរលកទី៤ នៃមេរោគកូវីដ១៩។

ចិនបានផ្អាកជាបណ្តោះអាសន្ននូវការនាំចូលផលិតផលវៀតណាមជាច្រើនដង នៅក្នុងខែកក្កដា និងសីហា ដែលជះឥទ្ធិពលយ៉ាងខ្លាំងដល់អ្នកនាំចេញរបស់វៀតណាម។

កាលពីសប្ដាហ៍មុន ប្រទេសចិន បានសម្រេចផ្អាកការនាំចូលផលិតផលផ្លែស្រកានាគពីប្រទេសវៀតណាម បន្ទាប់ពីរកឃើញមេរោគកូវីដ១៩ លើការវេចខ្ចប់។ នៅថ្ងៃទី២១ ខែកញ្ញា អាជ្ញាធរចិន ធ្វើតេស្តលើ ផលិតផលស្រកានាគពីប្រទេសវៀតណាមសាជាថ្មី ហើយបើរកឃើញមេរោគកូវីដ១៩ នឹងផ្អាកការនាំចូលរយៈពេល១សប្ដាហ៍បន្ថែមទៀត៕

អត្ថបទទាក់ទង

ចិន រឹតបន្តឹង​ការនាំចូល​ពីវៀតណាម​បន្ថែមទៀត ដោយសារ​រកឃើញ​កូវីដ១៩​លើទំនិញ

ចិន រឹតបន្តឹងការនាំចូលពីវៀតណាមបន្ថែមទៀត ដោយសាររកឃើញកូវីដ១៩លើទំនិញ