ផ្លឹស-ខេអេក ញូវ

ត្រឹមហេតុផលតែមួយប៉ុណ្ណោះ ធ្វើឱ្យប្តីប្រពន្ធជាច្រើនគូនៅកូរ៉េខាងត្បូងត្រូវលែងលះគ្នាដោយសារពិធីបុណ្យឈូសក

កម្សាន្ត
September 20th, 2021 (4 years)
Views: 433
Share

កូរ៉េខាងត្បូង៖ យោងតាមការស្រង់មតិពីស្ត្រីជាច្រើននៅប្រទេសកូរ៉េខាងត្បូង ពួកគេខ្លាចថ្ងៃបុណ្យឈូសកបំផុត ដោយសារវាជាថ្ងៃដែលស្ត្រីកូរ៉េនឿយហត់វិលវល់តែក្នុងផ្ទះបាយព្រោះតែប្រពៃណីសិទ្ធមិនស្មើភាពគ្នាជាមួយបុរស។

រាល់ថ្ងៃបុណ្យឈូសកម្តងៗ ស្ត្រីនៅកូរ៉េខាងត្បូងដែលបានទៅស្រុកកំណើតជួបជុំគ្រួសារក្នុងថ្ងៃបុណ្យនេះត្រូវក្រោកតាំងពីម៉ោង ៣ភ្លឺដើម្បីរៀបចំម្ហូបអាហារ នំចំណី ភេជ្ជសៈគ្រប់សព្វបែបយ៉ាងរយៈពេលជាច្រើនម៉ោងដើម្បីប្រារព្ធពិធីបុណ្យឈូសក ស្របពេលដែលមនុស្សប្រុសបែរអង្គុយនៅបន្ទប់ទទួលភ្ញៀវលេងមិនធ្វើអ្វីទាំងអស់។

មិនត្រឹមតែប៉ុណ្ណោះ នៅពេលសែនរួចរាល់ហើយ ស្ត្រីត្រូវរង់ចាំសមាជិកប្រុសក្នុងផ្ទះស្រស់ស្រូបអាហាររួចរាល់ទើបដល់វេនពួកគេម្តង ដែលបញ្ហានេះបានធ្វើឱ្យស្ត្រីនៅប្រទេសកូរ៉េក្នុងយុគសម័យថ្មីមានអារម្មណ៍ និងចោទជាសំនួរថា “តើពួកគេជាភរិយា ឬ ជាអ្នកបម្រើនៅតាមភោជនីយដ្ឋាន?”

ទោះជាយ៉ាងណា មកដល់ជំនាន់ក្រោយនេះដែរ ស្ត្រីមួយចំនួនដែលបានរៀបការរួចក៏មិនបានជួបបញ្ហាដូចស្ត្រីជំនាន់មុនជួបដែរ ដោយម្តាយក្មេកពួកគេយល់ និងមិនចង់ឱ្យកូនប្រសាររងការលំបាកដូចស្ត្រីជំនាន់មុន ថែមទាំងជម្រុញឱ្យស្ត្រីជំនាន់ក្រោយមានចំណេះដឹង និងរឹងមាំផ្នែកហិរញ្ញវត្ថុដោយខ្លួនឯងទៀតផង។ ប៉ុន្តែក៏មានស្ត្រីភាគច្រើនបានជួបបញ្ហាមួយនេះ ហើយអាត្រាឈ្លោះទាស់ទែងរហូតឈានដល់ការលែងលះគ្នាដោយសារថ្ងៃបុណ្យឈូសកក៏មានច្រើនសន្ធឹកផងដែរ៕

អត្ថបទទាក់ទង