ព័ត៌មានថ្មី
- សាន់តា សូមទោស និងសូមការអភ័យចំពោះរូបភាពមិនសមរម្យ
- អ្នកគាំទ្រកំពុងសង្ស័យទំនាក់ទំនង វ៉ាន់ ដេវីត និងហេង បូនីកា ខណៈហ្វេសបុកតារាប្រុសរូបនេះដាក់មានទំនាក់ទំនងស្នេហាជាមួយស្រីស្អាតម្នាក់រួចហើយ
- ក្តៅខ្លាំងពេក សាលារដ្ឋចំនួន ៧,០០០ សាលានៅហ្វីលីពីន ឱ្យសិស្សរៀនតាមអនឡាញ
- គណៈកម្មការទី៣ របស់ MasterChef Cambodia នឹងត្រូវបង្ហាញក្នុងពេលឆាប់ៗនេះ
- កម្មវិធីការសម្ដែងគុនសាវលីញ និងគុនល្បុក្កតោនៅអង្គរ ប្រព្រឹត្តទៅដោយជោគជ័យនាព្រឹកថ្ងៃទី២៤មេសា
ក្រសួងធនធានទឹក ព្រមានពីទឹកជំនន់ដែលអាចកើតមាននៅកម្ពុជា ក្នុងសប្ដាហ៍នេះ
- សង្គម
- September 21st, 2021 (3 years)
ភ្នំពេញ៖ នៅថ្ងៃទី២២-២៦ ខែកញ្ញា ព្រះរាជាណាចក្រកម្ពុជា ទទួលរងនូវឥទ្ធិពលប្រព័ន្ធសម្ពាធទាប (ITCZ) ដែលអូសបន្លាយកាត់លើតំបន់ជួរភ្នំដងរែក និងខ្ពង់រាបភាគឦសាន ជាមួយនិងខ្យល់មូសុងនិរតីបក់នៅ ក្នុងល្បឿនមធ្យមទៅបង្គួរ។ បន្តមកសម្ពាធទាបដែលស្ថិតនៅចុងប្រព័ន្ធ (ITCZ) ស្ថិតខាងកើតហ្វីលីពីន អាចវិវឌ្ឍខ្លួនទៅជាសម្ពាធទាបសកម្ម ឬវិសម្ពាធនៅលើសមុទ្រចិនខាងត្បូង។
តាមការព្យាកររបស់ក្រសួងធនធានទឹក និងឧតុនិយម ឱ្យដឹងថា គន្លងរបស់សម្ពាធទាបសកម្ម ឬវិសម្ពាធនេះ នៅថ្ងៃទី២៤-២៥ ខែកញ្ញា នឹងបក់ចូលប្រទេសវៀតណាម ស្ថិតនៅចន្លោះ គឺញើន (Qui Nhon) និងដាណាង (Da Nang)។
ក្រសួងធនធានទឹក បានបន្តថា បណ្តាខេត្តនៅតំបន់វាលទំនាបកណ្ដាល នឹងអាចមានភ្លៀងធ្លាក់ក្នុងកម្រិតពីមធ្យមទៅច្រើន ដែលនឹងអាចបង្កជាជំនន់ទឹកភ្លៀងនៅក្នុងភូមិ សាស្ត្រមួយចំនួន រួមមាន៖ រាជធានីភ្នំពេញ ខេត្តកណ្ដាល ខេត្តកំពង់ស្ពឺ ខេត្តពោធិ៍សាត់ ខេត្តបាត់ដំបង់ ខេត្ត ប៉ៃលិន ខេត្តសៀមរាប និងខេត្តបន្ទាយមានជ័យ ។
បណ្តាខេត្តដាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងធ្លាក់ក្នុងកម្រិតពីមធ្យមទៅខ្លាំង ដែលនឹងអាចបង្កជាជំនន់ទឹកភ្លៀងនៅបណ្តាខេត្ត ជាប់ជួរភ្នំដងរែក ភាគឦសានជាប់ប្រទេសវៀតណាម ខេត្តព្រះវិហារ និងខេត្តឧត្តរមានជ័យ ។
ក្រសួងបន្តថា តំបន់មាត់សមុទ្រ អាចនឹងមានភ្លៀងធ្លាក់ក្នុងកម្រិតពីមធ្យមទៅច្រើន ដែលនឹងអាចបង្កជាជំនន់ទឹកភ្លៀងនៅក្នុងភូមិ សាស្ត្រមួយចំនួននៃខេត្តកោះកុង និងខេត្តព្រះសីហនុ ។ នៅលើផ្ទៃសមុទ្រនឹងអាចមានភ្លៀង ខ្យល់ និង រលកសមុទ្រមធ្យម ។
យោងលើស្ថានភាពអាកាសធាតុនេះ ក្រសួងអំពាវនាវដល់សាធារណជនជ្រាបជាព័ត៌មាននិងសូមបង្កើនការយកចិត្តទុកដាក់ខ្ពស់ ដើម្បីជៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
