ផ្លឹស-ខេអេក ញូវ

ក្លិប Man Utd ផ្ញើលិខិតជូនពរដល់ Fan ម្នាក់ ដែលនឹងត្រូវឆ្លងកាត់ការវះកាត់ប្រកបដោយគ្រោះថ្នាក់

កីឡា
September 21st, 2021 (5 years)
Views: 546
Share

ហុងកុង៖ កុមារារស់នៅទីក្រុងហុងកុងម្នាក់ ដែលមានជំងឺដ៏កម្រ ដែលប៉ះពាល់នឹងឆ្អឹងខ្នង កំពុងតែទទួលបានការចាប់អារម្មណ៍ពីសំណាក់ក្លិប Manchester United មុនការវះកាត់ប្រកបដោយគ្រោះថ្នាក់នៅសប្តាហ៍ក្រោយរបស់គេ។

កុមារា Marcus Ng អាយុ ១០ឆ្នាំ បានណែនាំខ្លួន នៅក្នុងវីដេអូយូធូប ដែលបង្ហោះដោយឪពុកម្ដាយរបស់គេ កាលពីថ្ងៃព្រហស្បតិ៍សប្តាហ៍មុន។

កុមារា Marcus បាននិយាយថា៖ “សួស្តីខ្ញុំឈ្មោះ Marcus មកពីហុងកុង! ខ្ញុំពិតជារំភើប និងរីករាយដែលបានទទួលសំបុត្ររបស់អ្នក”។ Marcus ចង់សំដៅទៅលិខិតមួយដែលក្រុមបិសាចក្រហម Manchester United ផ្ញើឱ្យ និងមានហត្ថលេខារបស់អ្នកចាត់ការទូទៅលោក Ole Gunnar Solskjaer ។

គេបន្តថា៖ “ខ្ញុំគឺជាអ្នកគាំទ្រដ៏ធំរបស់ Manchester United ។ ខ្ញុំស្រលាញ់ Cristiano Ronaldo ខ្លាំងណាស់។ ខ្ញុំសូមជូនពរអ្នកទាំងអស់គ្នាទទួលបានលទ្ធផលល្អ នៅក្នុងក្របខណ្ឌ Premier League ខាងមុខនេះ”។

Marcus មានជំងឺសាច់ដុំឆ្អឹងខ្នង ប្រភេទ១ ឬជំងឺ Werdnig-Hoffmann ។ ម្ដាយរបស់គេ បានបានប្រាប់សារព័ត៌មានថា កូនប្រុសរបស់គាត់ មានឆ្អឹងខ្នងកោង ២០ដឺក្រេ ហើយគ្រូពេទ្យថា វានឹងកាន់តែអាក្រក់ថែមទៀត។

ឪពុកម្ដាយរបស់ Marcus បន្តថា កូនរបស់ពួកគេនឹងត្រូវវះកាត់នៅថ្ងៃទី២៧ ខែកញ្ញានេះ។

ពួកគេ បានសរសេរក្នុង Description នៃវីដេអូថា៖ “ យើងសង្ឃឹមថា នឹងទាក់ទងលោក Cristiano Ronaldo ដែលជា idol របស់កូនពួកយើង ដើម្បីផ្តល់ការគាំទ្រដល់គេ”៕

(ទស្សនាវីដេអូ)

អត្ថបទទាក់ទង

ក្លិប Man Utd ផ្ញើលិខិត​ជូនពរ​ដល់ Fan ម្នាក់ ដែល​នឹងត្រូវ​ឆ្លងកាត់​ការវះកាត់​ប្រកប​ដោយ​គ្រោះថ្នាក់

ក្លិប Man Utd ផ្ញើលិខិតជូនពរដល់ Fan ម្នាក់ ដែលនឹងត្រូវឆ្លងកាត់ការវះកាត់ប្រកបដោយគ្រោះថ្នាក់