ផ្លឹស-ខេអេក ញូវ

អាជ្ញាធរ ជម្លៀសមនុស្សថែមទៀត ពីបន្ទុះភ្នំភ្លើងនៅលើកោះអេស្ប៉ាញ

សង្គម
September 21st, 2021 (4 years)
Views: 238
Share

ម៉ាឌ្រីដ៖ អាជ្ញាធរអេស្ប៉ាញ បាននិយាយនៅថ្ងៃអង្គារនេះថា កំអ៊ែដែលហូរចេញពីភ្នំភ្លើងដែលផ្ទុះនៅលើកោះ ឡា ប៉ាល់ម៉ា (La Palma) បានបង្ខំឱ្យមានការជម្លៀសពលរដ្ឋចេញពីផ្នែកមួយទៀតនៃតំបន់ អេលប៉ាសូ (El Paso) ។

អាជ្ញាធរបានប្រាប់ទូរទស្សន៍ក្នុងស្រុកនៅថ្ងៃអង្គារនេះថា ពលរដ្ឋនៅក្នុងសង្កាត់ តាខេនដេ អាល់តូ (Tacande Alto) ត្រូវបានជម្លៀសកាលពីយប់ថ្ងៃចន្ទ និងព្រឹកព្រលឹមថ្ងៃអង្គារនេះ បន្ទាប់ពីកំអ៊ែភ្នំភ្លើង បានចាប់ផ្តើមហូរចេញសាជាថ្មីតាមជម្រាលភ្នំភ្លើងឈ្មោះថា ខាំប្រេ វីអេចា (Cumbre Vieja) ។

ទូរទស្សន៍ក្នុងស្រុករបស់អេស្ប៉ាញ បានរាយការណ៍ថា រហូតមកទល់ពេលនេះ មនុស្សប្រហែល៦ពាន់នាក់ ក្នុងចំណោមអ្នករស់នៅលើកោះ ឡា ប៉ាល់ម៉ា (La Palma) ចំនួន៨ម៉ឺននាក់ត្រូវបានបង្ខំឱ្យចាកចេញពីផ្ទះរបស់គេដើម្បីទៅរកកន្លែងសុវត្ថិភាព។

នេះគឺជាលើកដំបូងដែលភ្នំភ្លើងឈ្មោះថា ខាំប្រេ វីអេចា (Cumbre Vieja) ដែលស្ថិតនៅលើប្រជុំកោះកាណារី (Canary) បានផ្ទុះឡើងចាប់តាំងពីឆ្នាំ១៩៧១មក។

គួរបញ្ជាក់ថា វាបានចាប់ផ្តើមផ្ទុះឡើងកាលពីថ្ងៃអាទិត្យ ដោយព្រួសបញ្ចេញកម្ទេចផេះទៅលើមេឃក្នុងកម្ពស់រាប់រយម៉ែត្រ និងបំផ្លាញផ្ទះជិត១៥០ខ្នង ប៉ុន្តែមិនមានសេចក្តីរាយការណ៍ពីករណីរងរបួស ឬបាត់បង់ជីវិតឡើយ៕

អត្ថបទទាក់ទង

អាជ្ញាធរ ជម្លៀស​មនុស្ស​ថែមទៀត ពី​បន្ទុះភ្នំភ្លើង​នៅលើ​កោះអេស្ប៉ាញ

អាជ្ញាធរ ជម្លៀសមនុស្សថែមទៀត ពីបន្ទុះភ្នំភ្លើងនៅលើកោះអេស្ប៉ាញ