ផ្លឹស-ខេអេក ញូវ

អ្នកនាំពាក្យអាកាសចរណ៍ស៊ីវិល ថា ការបើកសាកល្បងព្រលានយន្តហោះតារាសាគរ ខេត្តកោះកុង នឹងត្រូវពន្យារពេលទៅដើមឆ្នាំក្រោយវិញ

សង្គម
September 22nd, 2021 (4 years)
Views: 304
Share

ភ្នំពេញ៖ អាកាសយាន្តដ្ឋានអន្តរជាតិតារាសាគរ ខេត្តកោះកុង ដែលនឹងបញ្ចប់ការសាងសង់ នៅខែតុលា ឆ្នាំនេះ គ្រោងនឹងបើកដំណើរការសាកល្បងនៅខែធ្នូ ឆ្នាំ២០២១នេះ ប៉ុន្តែ អាចនឹងត្រូវពន្យារពេលរហូតដល់ដើមឆ្នាំ២០២២វិញ។ នេះបើយោងតាមការឱ្យដឹងពីលោក ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានប្រាប់សារព័ត៌មានក្នុងស្រុកនៅថ្ងៃទី២២ ខែកញ្ញានេះ។

បើតាមលោក ស៊ិន ចាន់សិរីវុត្ថា ការពន្យារពេលបើកដំណើរការសាកល្បងនេះ ដោយសារតែក្រោយការវាយតម្លៃ ត្រួតពិនិត្យចុងក្រោយរបស់ រដ្ឋលេខាធិការដ្ឋានអាកាសចរណ៍ស៊ីវិល មើលឃើញថា មានការងារខ្លះនៅសេសសល់ ដែលក្រុមហ៊ុនត្រូវការពេលវេលាបន្ថែមទៀត ក្នុងការបំពេញ ដូចជាការផ្តល់ព័ត៌មាន និងឯកសារពាក់ព័ន្ធនឹងសុវត្ថិភាព មុននឹងអាកាសចរណ៍ស៊ីវិលផ្សាយជាផ្លូវការ។

សូមបញ្ជាក់ថា ព្រលានយន្ដហោះតារាសាគរ ស្ថិតក្នុងស្រុកបុទមសាគរ ខេត្តកោះកុង ជាវិនិយោគដោយក្រុមហ៊ុនចិន Union Development Group លើទំហំទឹកប្រាក់១៥០លានដុល្លារ ជាការវិនិយោគសម្រាប់គាំទ្រដល់វិស័យទេសចរណ៍៕

អត្ថបទទាក់ទង