ផ្លឹស-ខេអេក ញូវ

អ្នកជំងឺកូវីដ១៩ដែលជាសះស្បើយបានរយៈពេល៤ខែ អាចចាក់វ៉ាក់សាំងបាននៅតាមមន្ទីរពេទ្យបង្អែករាជធានីខេត្ត

សង្គម
September 23rd, 2021 (3 years)
Views: 164
Share

ភ្នំពេញ៖ គណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានជូនដំណឹងថា យោងតាមការណែនាំដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី និងអនុសាសន៍របស់អង្គការសុខភាពពិភពលោក បានណែនាំឱ្យប្រជាពលរដ្ឋដែលបានព្យាបាលជាសះស្បើយពីជំងឺកូវីដ១៩ អាច មកទទួលការចាក់វ៉ាក់សាំងកូវីដ១៩ ដើម្បីបង្កើនភាពស៊ាំទប់ទល់នឹងវីរុសកូរីដ១៩។

គណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានឱ្យដឹងថា ប្រជាពលរដ្ឋទូទៅ ដែលបានព្យាបាលជាសះស្បើយពីជំងឺកូវីដ១៩ ចាប់ពី៤ខែឡើង សូមទៅចាក់វ៉ាក់សាំងកូវីដ១៩ នៅតាមមន្ទីរពេទ្យបង្អែករាជធានី-ខេត្ត និងនៅតាមបណ្តាទីតាំងចាក់វ៉ាក់សាំងកូវីដ១៩ មួយចំនួនទៀតដែលរដ្ឋបាលរាជធានី-ខេត្ត កំពុងបើកដំណើរការចាក់វ៉ាក់សាំងកូវីដ១៩ ជូនប្រជាពលរដ្ឋ ដែលនៅសេសសល់។ ចំពោះមន្ត្រីរាជការថ្នាក់ក្រោមជាតិ ក៏ត្រូវចាក់នៅទីតាំងដូចគ្នាផងដែរ។

ដោយឡែក មន្ត្រីរាជការថ្នាក់ជាតិដែលបានព្យាបាលជាសះស្បើយពីជំងឺកូវីដ១៩ ចាប់ពី៤ខែឡើង ត្រូវទៅចាក់វ៉ាក់សាំងកូវីដ១៩ នៅមន្ទីរពេទ្យកាល់ម៉ែត មន្ទីរពេទ្យព្រះអង្គឌួង មន្ទីរពេទ្យកុមារជាតិ មន្ទីរពេទ្យមិត្តភាពខ្មែរ-សូវៀត និងមជ្ឈមណ្ឌលជាតិគាំពារមាតា និងទារក៕

អត្ថបទទាក់ទង